EXODUS 13:8 - Edisana ñwed Abasi Ibom

⁸ Nyuŋ tiŋ nɔ eyen fo ke usen oro, ete, Ema enam emi ebaŋa se Jehovah akanamde ye ami, ke ini ŋwɔrɔde ke Egypt.

EXODUS 13:8 Referans Kwoze

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

ISAIAH 38:19

Odu-uwem, idem odu-uwem eyekɔm fi, kpa nte ami nnamde mfin: Ete eyesian akpanikɔ fo ɔnɔ nditɔ.

EXODUS 10:2

man afo onyuŋ emen se nnamde ke Egypt, ye mme utibe ŋkpɔ emi nnamde ke otu mmɔ, etiŋ ke utɔn eyen fo, ye eke eyeyen fo; ndien mbufo eyefiɔk ete ke ami ndi Jehovah.

ŊWED MBON EPHESUS 6:4

Ndien mbufo mme ete, ekufiomo nditɔ mbufo; edi ekama mɔ ke ntunɔ ye item Ɔbɔŋ.

DEUTERONOMY 6:20

Ke eyen fo, edibupde fi ke ini iso, ete, Nsidi mbet, ye mme ewuhɔ, ye mme item emi Jehovah Abasi nnyin eketemede mbufo? Dɔhɔ ndien eyen fo, ete,