EXODUS 13:11 - Edisana ñwed Abasi Ibom

¹¹ Ndien ama ekem, ke adaŋemi Jehovah edidade fi oduk ke isɔŋ mme Canaanite, nte emi enye ɔkɔŋwɔŋɔde ɔnɔ fi ye mme usɔ,

EXODUS 13:11 Referans Kwoze

EXODUS 13:5

Ndien ama ekem ke ini Jehovah edidade mbufo oduk ke isɔŋ mme Canaanite, ye mme Hittite, ye mme Amorite, ye mme Hivite, ye mme Jebusite, emi enye ɔkɔŋwɔŋɔde ɔnɔ mme usɔ, ete iyenɔ mbufo, isɔŋ emi ɔfiɔrɔde mmɔŋ-eba ye aran-ɔkwɔk, ndien mbufo enam utom emi ke ɔfiɔŋ emi.

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 28:15

Ndien, sese, ami ndu ye afo, nyenyuŋ ŋkpeme fi ke kpukpru ebiet eke afo edikade, nnyuŋ nda fi nnyɔŋ ke isɔŋ emi; koro mmendikpɔŋke fi, tutu nnam se ntiŋde nnɔ fi.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

NUMBERS 11:12

Nte edi ami ŋkaman kpukpru mbio emi? nte ami ŋkobon mmɔ, eke esinde afo ɔdɔhɔ mi, ete, Kama mmɔ ke ikpanesit fo, kpa nte edep akamade eyennsek, ka ke isɔŋ, emi afo ɔkɔŋwɔŋɔde ɔnɔ mme ete mmɔ?

ŊWED MME PSALM 105:42

Koro enye etide edisana uyo esie, ye Abraham owo esie;