EXODUS 12:9 - Edisana ñwed Abasi Ibom

⁹ Ekuta enye ndisi, ekunyuŋ etem ke mmɔŋ, edi efɔp ke ikaŋ; ibuot esie, ye ukot esie, ye nsia esie.

EXODUS 12:9 Referans Kwoze

EXODUS 12:8

Ndien yak mmɔ eta unam oro ke okoneyo oro, edifɔp ke ikaŋ, ye uyo eke leaven miduhe; eta enye ekɔrɔ ke ndot-ndot ikɔŋ.

DEUTERONOMY 16:7

Nyuŋ tem enye ta ke ebiet emi Jehovah Abasi fo edimeke: ndien, eyo ama esiere, fiak nyɔŋ ke tent fo.

ŊWED ESEME 1:13

Enye etie ke enyɔŋ ɔnɔ ikaŋ, ete edisin mi ke ɔkpɔ, ndien enye akan mmɔ: enye eneŋere iyire ɔnɔ ukot mi, anam mi mfiak edem: onim mi ke ŋwure ye mba-mba ofuri usen.

EXODUS 29:13

Ndien da ofuri ikpɔŋ emi ɔfuhɔde nsia, ye caul emi edianade ke esit, ye ekput mbiba, ye ikpɔŋ emi ɔfuhɔde mmɔ, fɔp mmɔ ke itie-uwa.

EXODUS 29:17

Ndien ŋko dianare okukim ndidu, nyuŋ yet nsia esie, ye nnuk esie, nyuŋ dori ke ndidu esie, ye ke ibuot esie.

LEVITICUS 1:9

Ndien yak owo ada mmɔŋ eyet ŋkpɔ esit idibi esie, ye nnuk esie: ndien oku ɔfɔp kpukpru ke itie-uwa, ke edifɔp uwa, uwa ikaŋ, ɔnɔ Jehovah ke edinem utebe.

2 CHRONICLES 35:13

Ntre ŋko ke enam enaŋ oro. Ndien mmɔ efɔp passover ke ikaŋ nte ekam esinamde: edi etem mme edisana ŋkpɔ efen ke eso, ye ke kettle, ye ke pan, enyuŋ eda mmɔ iwiwa esɔk kpukpru mbio-obio.