EXODUS 12:7 - Edisana ñwed Abasi Ibom

⁷ Ndien yak mmɔ eda ubak iyip esie, esime ke obubɔk usuŋ edem mbiba, ye ke ibiɔŋ ndori enyin-usuŋ mme ufɔk eke mmɔ editade enye ke esit.

EXODUS 12:7 Referans Kwoze

MME HEBREW 11:28

Oto mbuɔtidem enye onim passover ye erisime iyip, mbak andisobo akpan edituk mmɔ.

MME HEBREW 9:22

Ndien osuk esisit eda iyip enam kpukpru ŋkpɔ esana, nte ido ibet edide; ndien ke eriduɔk iyip miduhe, eridahado inyuŋ iduhe.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

MME HEBREW 10:14

Koro Enye ada uwa kiet anam mmɔ emi ekenimde enɔ Abasi efɔn ema ke nsinsi.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

DEUTERONOMY 11:20

Nyuŋ wet mmɔ ke obubɔk enyin-usuŋ ufɔk fo, ye ke itim fo:

1 NDIDEM 6:31

Ndien enye ada eto olive anam itim ɔnɔ usuŋ ubet-etak: lintel, ye obubɔk usuŋ ekem ye ɔyɔhɔ ubak ibibene ition.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

EXODUS 12:13

Ndien iyip oro eyedi idiɔŋɔ mbufo ke mme ufɔk eke mbufo edude do: ndien nyekut iyip oro, nnyuŋ mbe mbufo, ufen idinyuŋ isimke mbufo, nte nsobo, ke ini ami ndibiatde isɔŋ Egypt.