EXODUS 11:10 - Edisana ñwed Abasi Ibom

¹⁰ Ntre ke Moses ye Aaron enam kpukpru mme utibe ŋkpɔ emi ke iso Pharaoh: ndien Jehovah ɔsɔŋ Pharaoh esit, ndien enye iyakke nditɔ Israel edaŋa ke isɔŋ esie.

EXODUS 11:10 Referans Kwoze

EXODUS 4:21

Jehovah onyuŋ ɔdɔhɔ Moses ete, Ke ini afo afiakde aka ke Egypt, tiŋ enyin ke kpukpru mme utibe ŋkpɔ emi nsinde fi ke ubɔk, nnyuŋ nnam mmɔ ke iso Pharaoh: edi ami nyesɔŋ enye esit, ndien enye idisanake mbon oro iyak.

EXODUS 10:27

Edi Jehovah ɔsɔŋ Pharaoh esit, ndien enye inyimeke ndiyak mmɔ eka.

EXODUS 10:20

Ndien Jehovah ɔsɔŋ Pharaoh esit, ndien enye iyakke nditɔ Israel eka.

ŊWED MBON ROME 9:22

Edi ekpedi nte Abasi, emi onyimede ndiwut iyaresit Esie, ndiyuŋ nnam owo efiɔk odudu Esie, emede anyan ime ye mme eso iyaresit emi enade enɔ nsobo;

ŊWED JOB 9:4

Anie ɔsɔŋ ibuot ye enye, ndien okut ifure?

1 SAMUEL 6:6

Ndien mbufo edinam didie esɔŋ esit mbufo kpa nte Egypt ye Pharaoh ekesɔŋde esit mmɔ? nte mmɔ ikasanake mbon oro iyak ke adaŋemi enye akanamde mkpɔsɔŋ ŋkpɔ ke otu mmɔ, ndien mmɔ enyɔŋɔ?

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

JOHN 12:40

Enye okotibi mmɔ enyin, onyuŋ ɔsɔŋ mmɔ esit; Mbak mmɔ edida enyin mmɔ ekut usuŋ, enyuŋ eda esit mmɔ ekere ŋkpɔ, Enyuŋ ekabare, ndien nnam udɔŋɔ okure mmɔ.

ŊWED MBON ROME 9:18

Ntre ke Enye enyene mbɔm ye owo eke Enye amade, onyuŋ ɔsɔŋ owo esit nte amade.

EXODUS 7:3

Ndien ami nyenam esit Pharaoh ɔsɔŋ, nyenyuŋ nnam mme idiɔŋɔ mi ye mme utibe ŋkpɔ mi ewak ke isɔŋ Egypt.

EXODUS 9:12

Ndien Jehovah ɔsɔŋ Pharaoh esit, ndien enye ikopke inɔ mmɔ; kpa nte emi Jehovah ɔkɔdɔhɔde Moses.

EXODUS 12:1

NDIEN Jehovah ɔdɔhɔ Moses ye Aaron ke isɔŋ Egypt, ete,

JOSHUA 11:20

Koro okotode Jehovah, maan enye ɔsɔŋ mmɔ esit ndiŋwana ekɔŋ ye Israel, man enye osobo mmɔ, kpa nte Jehovah eketemede Moses.

ISAIAH 63:17

O Jehovah, nsinam afo ayakde nnyin idiyo ikpɔŋ usuŋ fo, ayak esit nnyin ɔsɔŋ, ete ikubak fi? Fiak di baŋa ikɔt fo, mme esien udeme fo.

EXODUS 3:19

Ndien ami mmɔfiɔk nte ke edidem Egypt idiyakke mbufo eka, ekpedi ke ɔkpɔsɔŋ ubɔk.