EXODUS 10:9 - Edisana ñwed Abasi Ibom

⁹ Ndien Moses ɔdɔhɔ ete, Iyeka ye nditɔɔwɔŋ nnyin, ye ŋkani iren nnyin, iyeka ye nditɔ-iren nnyin, ye nditɔ-iban nnyin, iyeka ye ŋkpri ufene nnyin, ye enaŋ nnyin; koro nnyin ikamade usɔrɔ Jehovah.

EXODUS 10:9 Referans Kwoze

EXODUS 5:1

EKEM Moses ye Aaron edi edidɔhɔ Pharaoh, ete, Ntem ke Jehovah Abasi Israel ɔdɔhɔ, ete, Yak ikɔt mi eka, man mmɔ ekenam usɔrɔ enɔ mi ke wilderness.

EXODUS 3:18

Ndien mmɔ eyekop uyo fo: ndien afo ye mme ebio-owo Israel eka ke ɔtɔ edidem Egypt, ekedɔhɔ enye ete, Jehovah Abasi mme Hebrew okosobo ye nnyin: mbɔk, ndien, yak nnyin ida isaŋ usen ita ke wilderness, ikawa uwa inɔ Jehovah Abasi nnyin.

ŊWED MBON EPHESUS 6:4

Ndien mbufo mme ete, ekufiomo nditɔ mbufo; edi ekama mɔ ke ntunɔ ye item Ɔbɔŋ.

ECCLESIASTES 12:1

NYUŊ ti Andibot fi ke ini afo edide akparawa, ke ini ukut mika-idige kaŋa, ke mme isua eke afo edidɔhɔde ete, “Ŋkwe inem ke esit,” mika-isimke (fi);

MME ŊKE 3:9

Kpono Jehovah ke inyene fo, ye ke akpa ubak kpukpru mbuŋwum fo:

JOSHUA 24:15

ndien enam ŋkpɔ Jehovah. Edi mbufo mimaŋa ndinam ŋkpɔ Jehovah, emek ke idem mbufo ndien, mfin emi, enye eke mbufo edinamde ŋkpɔ esie: edide mme abasi emi mme ete mbufo, emi edude ke edem akpa oko, enamde ŋkpɔ enɔ mmɔ, onyuŋ edide mme abasi mme Amorite emi mbufo eduŋde ke isɔŋ mmɔ: edi ama edi ami ye ufɔk mi, nnyin iyenam ŋkpɔ Jehovah.

NUMBERS 29:12

Ndien ke ɔyɔhɔ usen efut, ke ɔyɔhɔ ɔfiɔŋ itiaba, ke mbufo edisop edisana esop; ekunam baba ubɔk-utom kiet; edi enim usɔrɔ enɔ Jehovah ke ofuri usen itiaba:

EXODUS 13:6

Mbufo edita uyo eke leaven miduhe, ke ofuri usen itiaba, ndien ke ɔyɔhɔ usen itiaba, eyedi usɔrɔ Jehovah.

EXODUS 5:3

Mfiɔkke Jehovah, ndinyuŋ nyakke Israel eka. Ndien mmɔ edɔhɔ ete, Abasi mme Hebrew okosobo ye nnyin: mbɔk, yak nnyin ida isaŋ usen ita ika ke wilderness, ikawa uwa inɔ Jehovah Abasi nnyin, mbak enye edida idiɔk udɔŋɔ, mme ofut etiene nnyin.

GENESIS 50:8

enyuŋ etiene enye edɔk, ye ofuri ufɔk Joseph, ye nditɔ-ete esie, ye ufɔk ete esie: edi mmɔ ekpɔŋ nsek nditɔ mmɔ, ye erɔŋ mmɔ, ye enaŋ mmɔ, ke isɔŋ Goshen.

EXODUS 10:10

Ndien enye ɔdɔhɔ mmɔ ete, Yak edi ntre; yak Jehovah odu ye mbufo, kpasuk nte emi ndiyakde mbufo ye nditɔwɔŋ mbufo eka: mbufo ese nte idiɔk-ŋkpɔ anade mbufo ke iso.

EXODUS 10:26

Ufene nnyin nde eyeka ye nnyin; baba ikpat kiet idisuhɔke ke edem; koro mmɔ ke nnyin idisio inam ŋkpɔ inɔ Jehovah Abasi nnyin; nnyin inyuŋ ifiɔkke se ididade inam ŋkpɔ inɔ Jehovah tutu isim ko.

EXODUS 12:32

Enyuŋ eda ŋkpri ufene mbufo ye enaŋ mbufo ŋko, nte emi mbufo ekedɔhɔde, eka; enyuŋ ediɔŋ mi ŋko.

EXODUS 12:37

Ekem nditɔ Israel edaŋa ke Rameses eka Succoth, esim tɔsin irenowo ke itie ikie itiokiet, emi esaŋade ke ikpat, ibatke nditɔwɔŋ.

EXODUS 12:38

Ndien ŋko mbuaha udim owo esaŋa ye mmɔ edɔk; ye ŋkpri ufene, ye enaŋ, kpa ata ediwak ufene ŋkpɔ eti-eti.