EXODUS 10:4 - Edisana ñwed Abasi Ibom

⁴ Koro edieke afo munyimeke ndiyak ikɔt mi eka, sese, mkpɔŋ nyeda ŋkukuŋkpɔyɔriyɔ nduk adaŋa fo:

EXODUS 10:4 Referans Kwoze

ERIYARARE 9:3

Ŋkukuŋkpɔyɔriyɔ eto ke nsuŋikaŋ ewɔŋɔ eduk ke isɔŋ; enyuŋ enɔ mmɔ odudu nte ikpeyen isɔŋ enyenede odudu.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

MME ŊKE 30:27

Ŋkukuŋkpɔyɔriyɔ inyeneke edidem, edi mmɔ ebahare idem mmɔ kpukpru udim-udim ewɔŋɔ;

EXODUS 9:18

Se mi, ke adaŋa ini emi ntem mkpɔŋ, nyenam edim-itiat edep ɔkpɔsɔŋ eti-eti, eke akanam oruk emi miduhe ke Egypt, toto ke ini oro enye ɔkɔtɔŋɔde, tutu osim emi.

EXODUS 9:5

Jehovah onyuŋ onim ini ete, Mkpɔŋ Jehovah eyenam ŋkpɔ emi ke isɔŋ emi.

EXODUS 8:23

Nyenyuŋ mbahare ikɔt mi ye ikɔt fo: idiɔŋɔ emi eyesu mkpɔŋ.

EXODUS 8:10

Ndien enye ete Moses, Mkpɔŋ. Ndien enye (Moses) ete, Yak edi ke uyo fo; man afo ɔfiɔk nte baba kiet mibietke Jehovah Abasi nnyin.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 10:5

ndien mmɔ eyefuk iso isɔŋ, nte owo midikemeke ndikut isɔŋ: mmɔ eyenyuŋ eta se ikosukde, emi ɔkɔbɔhɔde, emi edim-itiat ɔkɔkpɔŋde ɔnɔ mbufo, eyenyuŋ eta kpukpru eto eke etibede enɔ mbufo ke iŋwaŋ.

DEUTERONOMY 28:38

Afo eyesio ediwak mkpasip aka iŋwaŋ, edi editaŋ esisit: koro ŋkukuŋkpɔyɔriyɔ editade enye.

EXODUS 4:23

ndien ndɔhɔ fi, nte, Sana eyen mi yak, man enye anam ŋkpɔ ɔnɔ mi: ndien munyimeke enye ndiyak, sese, ami nyewot eyen fo, kpa akpan fo.

EXODUS 5:1

EKEM Moses ye Aaron edi edidɔhɔ Pharaoh, ete, Ntem ke Jehovah Abasi Israel ɔdɔhɔ, ete, Yak ikɔt mi eka, man mmɔ ekenam usɔrɔ enɔ mi ke wilderness.