EXODUS 1:21 - Edisana ñwed Abasi Ibom

²¹ Edikem, koro mme omum uman oro ebakde Abasi, enye anam ufɔk ɔnɔ mmɔ.

EXODUS 1:21 Referans Kwoze

1 NDIDEM 11:38

Ndien ama ekem edieke afo edikopde kpukpru se ami ntemede fi, edinyuŋ asaŋade ke usuŋ mi, onyuŋ anam se inende ke iso mi, onyuŋ onim mme ewuhɔ mi ye mbet mi, kpa nte David owo mi akanamde; nyedu ye afo, ndien, nnyuŋ mbɔp ɔkpɔsɔŋ ufɔk nnɔ fi.

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.

ŊWED MME PSALM 37:3

Buɔt idem ye Jehovah, nyuŋ nam se ifɔnde; duŋ ke isɔŋ, nyuŋ dia akpanikɔ.

ECCLESIASTES 8:12

Yak edi nte idiɔk owo anamde idiɔk ido utim ikikie, onyuŋ ebigi anyan uwem, edi ami mmotim mfiɔk nte ke edifɔn ye mmɔ eke ebakde Abasi, eke ebakde enye ke iso:

1 NDIDEM 2:24

Ndien ke emi, ma uwem Jehovah, emi akanamde mi nsɔŋɔ nda, onyuŋ emende mi odori ke ebekpo David ete mi, emi onyuŋ anamde ufɔk ɔnɔ mi, kpa nte enye ɔkɔdɔhɔde, Adonijah eyekpa mfin emi.

1 SAMUEL 25:28

Mbɔk, fen ndudue ofin aŋwan fo: koro Jehovah miditreke ndinam ɔkpɔsɔŋ ufɔk nnɔ ɔbɔŋ mi; koro ɔbɔŋ mi aŋwanade ekɔŋ Jehovah, miko-nyuŋ ikwe fi idiɔk-ŋkpɔ ke idem ke ofuri uwem fo.

ŊWED MME PSALM 127:1

KE mibɔhɔke Jehovah ɔbɔp ufɔk, mmɔ eke ebɔpde ekpa utom ikpikpu ke esit: ke mibɔhɔke Jehovah ekpeme obio, andikpeme ataba idap ikpi-kpu.

JEREMIAH 35:2

Ka ke ufɔk mme Rechabite, nyuŋ neme ye mmɔ, nyuŋ da mmɔ di ke ufɔk Jehovah ke ubet kiet, ndien nɔ mmɔ wine eŋwɔŋ.

MME ŊKE 24:3

Eda eti ibuot ebɔp ufɔk; enyuŋ eda ɔniɔŋ enam enye ɔsɔŋ.

ŊWED MME PSALM 127:3

Sese, nditɔ edi udeme Jehovah,: mfri idibi onyuŋ edi ŋkpɔ eyen utom.

EXODUS 1:17

Edi mme omum uman oro ebak Abasi, ndien inamke nte edidem Egypt ɔkɔdɔhɔde mmɔ, edi enim nditɔ-iren uwem.

ŊWED MME PSALM 112:1

MBUFO etoro Jehovah. Ɔfɔfɔn ɔnɔ owo eke abakde Jehovah, adara mbet esie eti-eti.