ERIYARARE 2:3 - Edisana ñwed Abasi Ibom

³ omonyuŋ enyene ime, okonyuŋ obiom ukut kabaŋa enyiŋ Mi, unyuŋ ukabakere ukpa mba.

ERIYARARE 2:3 Referans Kwoze

MME HEBREW 10:36

Koro ana nte mbufo enyene ime man ebɔ se Abasi ɔkɔŋwɔŋɔde, ke ema ekenam se Enye amade.

MME HEBREW 12:1

MMƆDO, sia otu ntiense eke ewakde ntem ekande nnyin ekuk, eyak nnyin nde ikpɔnɔre kpukpru mbiomo inim ŋkaŋ kiet, ye idiɔk-ŋkpɔ eke eyirede nnyin ke kpukpru edem; enyuŋ eyak ifehe mbuba eke anade nnyin ke iso ye ime,

ŊWED MBON GALATIA 6:9

Eyak ikukpa mba ke erinam eti ŋkpɔ; koro ke edikem ini nnyin iyedɔk mbuŋwum, edieke nnyin miyakke idem emem nnyin.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

1 ŊWED CORINTH 13:7

ima ememe kpukpru ŋkpɔ, ononim se ifɔnde ke akpanikɔ kpukpru ini, ododori enyin abaŋa kpukpru ŋkpɔ, ememe ime ke kpukpru ŋkpɔ.

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.

MME HEBREW 6:15

Ntre ke Abraham ɔkɔbɔ mme uŋwɔŋɔ Abasi ke enye ama ekeme anyan ime.

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

1ŊWED TIMOTHY 4:10

Koro edi emi esin nnyin ikpa utom ye eŋwan, koro nnyin ikodoride enyin ke odu-uwem Abasi, emi edide Andinyaŋa kpukpru owo, akpan-akpan andinyaŋa mbon mbuɔtidem.

2 ŊWED THESSALONICA 3:13

Ama edi mbufo, nditɔ-ete, ekuduɔ esit ke erinam eti ŋkpɔ.

2 ŊWED CORINTH 4:16

Ke ntak emi esit iduɔhɔ nnyin; edi okposuk edi nte ikpɔhidem nnyin ataharede, idem nnyin emi odude ke esit-esit ke akabare edi obufa, ke usen ke usen.

2 ŊWED CORINTH 4:1

MMƆDO sia nnyin inyenede utom emi ite inam, kpa nte Abasi akatuade nnyin mbɔm, esit iduɔhɔ nnyin:

ŊWED MBON ROME 12:12

Eda esit ke idori-enyin; enyene ime ke ukut; ekɔbɔ ke eribɔŋ akam;

ŊWED MBON ROME 8:25

Edi edieke nnyin idoride enyin ibaŋa se nnyin mikwe, adaŋoro nnyin itie ke ime ibet ŋkpɔ oro.

LUKE 14:27

Owo ekededi eke minyuŋ ibiomke cross esie itiene Mi ke edem ikemeke ndidi owo mbet Mi.

ŊWED MME PSALM 37:7

Dop uyo nɔ Jehovah, nyuŋ bet enye, kuyat esit ubaŋa owo eke okutde unen ke usuŋ esie, ubaŋa owo eke anamde idiɔk uduak.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

2 PETER 1:6

ye ime ke erifara ke idem,

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

2 ŊWED CORINTH 11:23

Ntre ke ami ndi. Mmɔ edi mme asaŋa-utom Christ? (ntiŋ nte idat), ami mmasaŋa utom Christ ŋkan mmɔ. Mmanam ɔkpɔsɔŋ utom ŋkan mmɔ: mmodu ke ufɔk-ŋkpɔkɔbi ŋkan mmɔ: mmɔbɔ ufen mbe nde: mmekpere ndikpa ediwak ini.

2 ŊWED CORINTH 5:9

Emi onyuŋ esin nnyin iŋwana, ye idude uwem ye miduhe ke ini Enye edide, ndinem Enye esit.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

LUKE 18:1

EKEM Enye otop ŋke ɔnɔ mmɔ, ndikpep ete mme owo ekpebɔŋ akam kpukpru ini, ekunyuŋ ekpa mba.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

MME HEBREW 13:13

Eyak nnyin ndien iwɔŋɔ itiene Enye ke edem nna, ibiom esuene Esie.

1ŊWED TIMOTHY 5:17

Yak ebat ete, mbiowo eke etimde ekara edot akwa utip; akpan-akpan mmɔ emi ekpade utom ke ukwɔrɔ-ikɔ ye ukpep-ŋkpɔ.

2 ŊWED THESSALONICA 3:8

nnyin ikakamake idem otime-otime ke otu mbufo; nnyin ikonyuŋ idiaha udia ke ikpikpu ke ubɔk owo ekededi; edi ikaŋwana idem inam ɔkpɔsɔŋ utom ke okoneyo ye uwemeyo, mbak nnyin ididi mbiomo inɔ owo ekededi ke otu mbufo.

2 ŊWED THESSALONICA 3:5

Ɔbɔŋ akpakam onyuŋ ɔwɔŋɔre mbufo esit esin ke ima Abasi ye ime Christ.

1 ŊWED THESSALONICA 2:9

Nditɔ-ete, mbufo emeti ɔkpɔsɔŋ utom eke nnyin ikanamde, ye nte nnyin ikakpade mba; ke erinam ubɔkutom nnyin okoneyo ye uwemeyo, mbak nnyin ididi mbiomo inɔ owo mbufo ekededi, nnyin ikɔkwɔrɔ gospel Abasi inɔ mbufo.

ŊWED MBON PHILIPPI 4:3

Mmonyuŋ nsɔŋɔ mbeŋe fi, ata nsaŋa-utom mi, nte aŋwam iban oro, koro mmɔ ekesaŋade ye ami eŋwana eŋwan ebaŋa gospel, enyuŋ ediana ye Clement nde, ye mme nsaŋa-utom mi eken, emi enyiŋ mmɔ edude ke ŋwed uwem.

ŊWED MBON PHILIPPI 2:16

Emenere ikɔ uwem ewut owo, man ŋkpe-keme ndida mbufo nnam mbure ke usen Christ, nte, ŋkefeheke itɔk ikpikpu, ŋkonyuŋ nnamke utom ikpikpu.

ŊWED MBON GALATIA 6:2

Ebiom mbiomo kiet eken; ntem ke mbufo edinim ibet Christ.

2 ŊWED CORINTH 10:15

Nnyin idaha utom owo eŋwen inam mbure ibe adaŋa nnyin; edi imenyene idorenyin ite, mbuɔtidem mbufo eyekɔri esin nnyin iforo ke otu mbufo ika iso inam utom ikaha, nte asaŋade ekekem ye udeme utom eke Abasi okonimde ɔnɔ nnyin;

2 ŊWED CORINTH 6:5

ke ikpa, ke ŋkpɔkɔbi, ke itie ndutime, ke ɔkpɔsɔŋ utom, ke ataba idap, ke erikpa biɔŋ;

ŊWED MBON ROME 16:12

Ekɔm Tryphaena ye Tryphosa, emi enanam utom ɔkpɔsɔŋ ke Ɔbɔŋ. Ekɔm Persis emi mmade; enye akakpa utom eti-eti ke Ɔbɔŋ.

LUKE 21:19

Edida erime ime ke ukut ebɔ ukpɔŋ mbufo eda enyene.

MARK 15:21

Ndien mmɔ enyik owo kiet emi ebede, Simon owo Cyrene, ete Alexander ye Rufus, emi otode ke iŋwaŋ ete asaŋa ye mme imɔ obiom cross Esie.

MICAH 7:9

Nyeyɔ ifuresit Jehovah, koro nduede enye: tutu enye edibiere ikɔ mi, onyuŋ ekpe ikpe mi: enye eyesio mi onim ke uŋwana: nyekut edinen ido esie.

ŊWED MME PSALM 69:7

Koro mmokut but mbaŋa fi; esuene omofuk mi iso.

1 ŊWED THESSALONICA 5:12

Imebeŋe mbufo, nditɔ-ete, ite ediɔŋɔ mmɔ emi enamde utom ke otu mbufo, enyuŋ ekararde mbufo ke Ɔbɔŋ, enyuŋ enɔde mbufo item.

1 ŊWED CORINTH 16:16

Nyom mbufo esuk idem enɔ mmɔ emi etiede ntem, enyuŋ esuk idem enɔ kpukpru mmɔ emi eŋwamde ke utom, enyuŋ enamde utom ɔkpɔsɔŋ.

LUKE 5:5

Simon ɔbɔrɔ ete, Ɔbɔŋ, nnyin ikakpa utom ofuri okoneyo, inyuŋ imumke baba ŋkpɔ kiet: edi ke uyo Fo nyeduɔk iyire.