ECCLESIASTES 9:7 - Edisana ñwed Abasi Ibom

⁷ Ka kadia udia fo ke idaresit, nyuŋ ŋwɔŋ wine fo ke inemesit: koro utom fo ama enem Abasi esit ama.

ECCLESIASTES 9:7 Referans Kwoze

ECCLESIASTES 10:19

Enam udia ke mbre, wine onyuŋ adat mme odu-uwem esit: inyene onyuŋ ɔbɔrɔ kpukpru ŋkpɔ.

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

UTOM MME APOSTLE 10:35

Ke akpanikɔ mmokut nte Abasi iteŋeke owo enyin: edi ke kpukpru idut Enye adadara owo ekededi eke abakde Enye onyuŋ anamde nti ido.

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

DEUTERONOMY 12:12

ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

JOHN 4:50

Jesus ete enye, Nyɔŋ okuo; eyen fo ke odu uwem. Owo oro onim se Jesus ɔdɔhɔde enye ke akpanikɔ, onyuŋ adaha esie ɔnyɔŋ.

LUKE 11:41

Ekam eda mme ŋkpɔ eke edude ke esit mmɔ enɔ mme ubuene, ndien sese, kpukpru ŋkpɔ esana enɔ mbufo.

MARK 7:29

Jesus ete enye, Kabaŋa ikɔ oro nyɔŋ ufɔk; demon ɔmɔwɔrɔ eyen fo ke idem.

GENESIS 12:19

Nsinam afo mutiŋke unɔ mi ete ke enye edi ŋwan fo? Nsinam afo ɔdɔhɔde ete, Ke enye edi eyen uka? ndien mme ami ŋkpadada enye ndɔ: se ŋwan fo ndien, da, nyɔŋ.

NUMBERS 6:20

ndien yak oku ofuŋ mmɔ ke edifuŋ uwa ke iso Jehovah: emi edi edisana ŋkpɔ oku, ɔkɔrɔ ye ikɔŋesit emi efuŋde, ye afara emi emenerede ke enyɔŋ: ndien ke oro ebede, Nazirite oro emekeme ndiŋwɔŋ wine.

ECCLESIASTES 7:14

Dat esit ke usen unen, nyuŋ kere ekikere ke usen nnanenyin: Abasi ama onyuŋ anam emi adian ye oro, man owo okukut baba ŋkpɔ kiet eke editienede enye edem.

ECCLESIASTES 11:8

Koro edieke owo oro edidude uwem ediwak isua, yak enye adara kpukpru; edi yak enye eti mme usen ekim: koro mmɔ eyewak; kpukpru se ididide edi ikpikpu.

RUTH 3:7

Ndien adaŋemi Boaz adiade ŋkpɔ onyuŋ ɔŋwɔŋde, esit onyuŋ enemde enye, enye aka ɔkɔsuhɔre ana ke mben otu: ndien enye (Ruth) asaŋa ndibe-ndibe, aka ɔkɔfuhɔre enye ukot, ndien ɔsuhɔre ana.