ECCLESIASTES 9:2 - Edisana ñwed Abasi Ibom

² Kpukpru ŋkpɔ ewɔrɔ kpukpru owo ukem-ukem: ŋkpɔ kiet ɔnɔmɔ nti owo, ye mme idiɔk owo, ye owo eke ɔfɔnde, ye ndisana, ye ndidehe, ye owo eke awade uwa, ye owo eke miwaha; nte eti owo etiede, kpa ntre ke idiɔk owo etie: owo eke otomode etie nte owo eke abakde eritomo.

ECCLESIASTES 9:2 Referans Kwoze

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

ŊWED MME PSALM 73:3

Koro ŋkefibede mbon iseri ufup, ŋkut ifure mme idiɔk owo.

ŊWED JOB 9:22

Ŋkpɔ kiet ke edi: mmɔdo ndɔhɔde: Enye osobo nti ye mme idiɔk.

MALACHI 3:15

Ndien ke emi nnyin ibat ite ke ɔfɔn ye mbon iseri; enyuŋ efori mme anam-idiɔk ŋko; mmɔ enyuŋ edomo Abasi ŋko, ndien ebɔhɔ.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

ECCLESIASTES 7:2

Ɔfɔn ndika ufɔk ntuaŋa, akan ndika ufɔk udia: koro oro edide utit kpukpru owo: ndien owo uwem eyekere ke esit.

ECCLESIASTES 6:6

Ndien edieke enye odude uwem ke tɔsin isua utim ikaba, ndien mikwe eti ŋkpɔ, nte mmɔ kpukpru ikaha ebiet kiet?

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

GENESIS 24:3

ubɔk fo ke idak ifuhi mi: ndien nyenam fi otomo Jehovah, Abasi enyɔŋ ye Abasi isɔŋ, ete ke afo ududaha ŋwan unɔ eyen mi ke otu nditɔ-iban mbon Canaan emi

1 SAMUEL 14:26

Ndien ke ini kpukpru owo edukde ke akai oro, sese, aran-ɔkwɔk ke asaŋa; edi baba owo kiet ifupke ubɔk esie ke inua: koro kpukpru owo efehede ewuhɔ oro.

ECCLESIASTES 3:19

Koro amadi se inɔmɔde nditɔ owo, oro ɔnɔmɔ mme unam: ŋkɔm ŋkpɔ kiet ɔnɔmɔ mmɔ; nte enye emi akpade, kpa ntre ke eken akpa; kpukpru mmɔ enyene kpasuk ibifik kiet; akakan eke owo akande unam inyuŋ iduhe koro kpukpru edide ikpikpu.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ECCLESIASTES 9:11

Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

JEREMIAH 43:6

kpa iren owo, ye iban, ye nditɔwɔŋ, ye nditɔ edidem iban, ye kpukpru owo oro Nebuzaradan etubom mbon ukpeme edidem ɔkɔkpɔŋde onim ye Gedaliah eyen Ahikam eyen Shaphan, ye Jeremiah prophet ŋko, ye Baruch eyen Neriah.