ECCLESIASTES 9:11 - Edisana ñwed Abasi Ibom

¹¹ Ntie ke idak utin ŋkabare, nnyuŋ ŋkut nte ke idige mbon nsɔp-itɔk ekan ke mbuba, inyuŋ idige mbon-uko ekan ke ekɔŋ, nte ke idige mbon eti ibuot enyene udia, inyuŋ idige mbon ikike ekut inyene, inyuŋ idige mme ɔfiɔkŋkpɔ owo enyene itoro: koro ini ye unɔmɔ etibede enɔ mmɔ kpukpru.

ECCLESIASTES 9:11 Referans Kwoze

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

ECCLESIASTES 3:17

Ndɔhɔ ke esit mi, nte, Abasi eyedomo eti owo ye idiɔk: koro ini anade ɔnɔ kpukpru se eyomde, ye kpukpru se enamde do.

ECCLESIASTES 3:14

Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

ŊWED MBON EPHESUS 1:11

Ke Christ enyuŋ enam nnyin (mme Jew) idi udeme Abasi, sia Enye, emi adade ekikere esit Esie anam kpukpru ŋkpɔ ewɔrɔ, ekebemde iso aduak ndinim nnyin nnɔ emi;

2 CHRONICLES 20:15

ndien enye ɔdɔhɔ, ete, mbufo ekpaŋ utɔŋ ofuri Judah, ye mme andiduŋ Jerusalem, ye edidem Jehoshaphat, ntem ke Jehovah ɔdɔhɔ mbufo, ete, Mbufo ekudikhe, nsia okunyuŋ oyomo mbufo ke iso akwa otu owo emi; koro midige mbufo ke ekɔŋ emi enyene, ke edi eke Abasi.

DEUTERONOMY 8:18

Edi ti Jehovah Abasi fo: koro edi enye ɔnɔ fi odudu erikɔ inyene, man enye anam ediomi esie emi enye ɔkɔŋwɔŋɔde ɔnɔ mme usɔ ɔsɔŋɔ ada, kpa nte edide mfin emi.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

JEREMIAH 46:6

Mbon nsɔp itɔk idifeheke, owo uko idifeheke, owo uko idinyuŋ ibɔhɔke; mmɔ eyetuak ukot eduɔŋɔ ke edem edere, ke mben akpa Euphrates.

ECCLESIASTES 7:13

Se ŋkpɔ emi Abasi anamde: koro anie ekeme ndineŋere se enye akwaŋde?

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

ECCLESIASTES 2:12

Ndien ŋwɔŋɔre nse mbufiɔk, ye idat, ye ebiɔ: koro nso ŋkpɔ ke owo eke editienede edidem edem, edinam? Kpa se enye akanamde ama.

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

2 SAMUEL 17:14

Ndien Absalom, ye kpukpru owo Israel edɔhɔ ete, Item Hushai Arkite ɔfɔn akan item Ahithophel. Koro Jehovah okonimde ete edi ntre, man enye asuan eti item Ahithophel, kpaŋ Jehovah akpanam idiɔk-ŋkpɔ osim Absalom.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

1 SAMUEL 17:50

Ntre ke David ada utop-itiat ye itiat akan Philistine oro, onyuŋ ɔtɔ Philistine owot; edi ofut iduhe David ke ubɔk.

DANIEL 4:35

ndien ebat kpukpru mme andiduŋ isɔŋ ke ikpikpu: enye onyuŋ anam kpa nte enye amade ke otu mme udim enyɔŋ ye ke otu mme andiduŋ isɔŋ: ndien baba owo kiet eke edituakde enye ubɔk, onyuŋ ɔdɔhɔde enye, ete, Afo amanam nso? iduhe.

2 SAMUEL 17:23

Ekem, adaŋemi Ahithophel okutde ete ke itieneke item imɔ, enye ɔdiɔŋ ass esie, adaha ke enyɔŋ, aka ke ufɔk esie, ke obio esie, okotim ŋkpɔ ufɔk esie, ndien eyire akpa, onyuŋ ɔbuhɔ ke udi ete esie.

DEUTERONOMY 8:17

mbak afo edidɔhɔ ke esit fo, ndien, ete, ke odudu fo ye ŋsɔŋubɔk fo ke ekekɔ kpukpru inyene emi enɔ imɔ.

1 SAMUEL 6:9

Ndien mbufo ese, enye ama ɔdɔk ke usuŋ adaŋa esie aka Bethshemesh, edi enye akanam nnyin akamba idiɔk-ŋkpɔ emi: midige ntre, nnyin iyefiɔk ite ke idige ubɔk esie akamia nnyin; ke edi ŋkpɔ eke okokoide okoi anam nnyin.

ŊWED MME PSALM 76:5

Emebume mbon nsɔŋesit; mmɔ emede idap mmɔ: baba owo uko kiet inyuŋ ikwe ubɔk mmɔ.

MME ŊKE 1:5

Enyene-ibuot owo eyekop, onyuŋ ɔkɔrɔ ke se ekpepde; asian owo eyenyuŋ enyene ikike:

ECCLESIASTES 9:2

Kpukpru ŋkpɔ ewɔrɔ kpukpru owo ukem-ukem: ŋkpɔ kiet ɔnɔmɔ nti owo, ye mme idiɔk owo, ye owo eke ɔfɔnde, ye ndisana, ye ndidehe, ye owo eke awade uwa, ye owo eke miwaha; nte eti owo etiede, kpa ntre ke idiɔk owo etie: owo eke otomode etie nte owo eke abakde eritomo.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

JEREMIAH 48:14

Mbufo enam didie edɔhɔ ete, Nnyin idi mbon uko ye mkpɔsɔŋ owo ke ekɔŋ?