ECCLESIASTES 9:10 - Edisana ñwed Abasi Ibom

¹⁰ Da odudu fo nam kpukpru se ubɔk fo okutde ndinam: koro baba erinam, baba uduak, baba ifiɔk, baba mbufiɔk miduhe ke obio ekpo emi afo akade do.

ECCLESIASTES 9:10 Referans Kwoze

ŊWED MBON COLOSSAE 3:23

Sededi eke mbufo enamde, enam ke ofuri esit, nte ŋkpɔ eke enamde enɔ Ɔbɔŋ, minamke inɔ owo;

ŊWED MBON EPHESUS 5:16

Ededep ifet, koro mme usen ediɔkde.

ŊWED MBON ROME 12:11

ekutek ke ifik mbufo; enyene ifiopesit ke spirit; enam utom enɔ Ɔbɔŋ.

ŊWED MME PSALM 6:5

Koro mitihi fi ke mkpa: anie edikɔm fi ke udi?

1 ŊWED CORINTH 9:24

Nte mbufo ifiɔkke ite edi kpukpru mbon itɔk efehe mbuba, edi edi owo kiet ɔbɔ utip. Efehe ndien ke usuŋ nte edibɔde utip.

ECCLESIASTES 11:6

Suan mkpasip fo ke usenubɔk; kunyuŋ ufara ubɔk fo ke mbubreyo: koro afo mufiɔkke ubak eke ediwɔrɔde usuŋ, mme emi mme oro; unyuŋ ufiɔkke mme mbiba edifɔn ukem-ukem.

JEREMIAH 29:13

Ndien mbufo eyeyom mi, enyuŋ ekut mi, koro mbufo edibinede mi ke ofuri esit mbufo.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

1 ŊWED CORINTH 9:26

Ntre ndien ke ami mfehe mbuba; mfeheke nte owo eke minyeneke iwuk ebiet eke enye akade: ntem ŋko ke ntop ita; ntopke nte owo ɔtɔde ofim;

JOHN 9:4

Nnyin inyene ndinam utom Andidɔŋ Mi ke ini edide uwemeyo: ŋkut-eyo ke edi, eke baba owo kiet mikemeke ndinam utom ke esit.

JOHN 4:34

Jesus ete mmɔ, Udia Mi edi ndinam uduak Andidɔŋ Mi, nnyuŋ mma utom Esie.

ECCLESIASTES 11:3

Edieke edim ɔyɔhɔde ke ikpa-enyɔŋ, eyedep ke isɔŋ: ndien edieke eto ɔduɔde ese edem usuk, mme ese edem edere, ke ebiet ke eto ɔduɔde, do ke enye edina.

NEHEMIAH 4:2

Enye onyuŋ ɔdɔhɔ ke iso nditɔ-ete esie, ye mbon-ekɔŋ Samaria, ete, Mbukpo Jew emi ke enam nso? Nte ediyak mmɔ? Mme mmɔ ediwa uwa? Mme mmɔ edinam ema ke usen kiet? Nte mmɔ edidemere itiat esioŋo ke ibombom ntan, ndien mmɔ ema eta ikaŋ?

NEHEMIAH 4:6

Ntem ke nnyin idiɔŋ ibibene; inyuŋ idian ofuri ibibene tutu osim ke ufɔt esie; koro esit kpukpru owo odude ke utom.

1 CHRONICLES 22:19

Mbufo esin ndien esit mbufo, ye ukpɔŋ mbufo, eyom Jehovah Abasi mbufo: edaha ke enyɔŋ ndien, ebɔp edisana iduŋ Jehovah Abasi, enyuŋ eda ekebe ediomi Jehovah, ye edisana ŋkpɔ utom Abasi, enim ke ufɔk eke ebɔpde enɔ enyiŋ Jehovah.

1 ŊWED CORINTH 16:10

Edi edieke Timothy edide ke ɔtɔ mbufo, etiŋ enyin enam enye etie ye mbufo anana ndik; koro enye ke anam utom Ɔbɔŋ, kpa nte ami nnyuŋ nnamde.

NEHEMIAH 2:12

Ekem ami ndaha ke enyɔŋ ke okoneyo, owo esisit enyuŋ esaŋa ye ami: ndien ŋkɔdɔhɔke baba owo kiet se Abasi mi ekesinde mi ke esit, ete nnam ke Jerusalem: unam baba kiet inyuŋ iduhe ye ami, ke mibɔhɔke unam emi ndorode ke esit.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

NUMBERS 13:30

Ndien Caleb anam kpukpru owo edop ndisuk Moses uyo, ete, Yak nnyin idɔk ini kiet, ikeda enye inyene: koro nnyin imetim ikeme ubɔk ye enye.

GENESIS 37:35

Ndien kpukpru nditɔ-iren esie, ye kpukpru nditɔ-iban esie edaha ke enyɔŋ ete idɔŋ enye esit, edi enye esin ndikop ndɔŋesit; ete, Nsuhɔre ŋka ke udi ntiene eyen mi ke mfuhɔ. Ntem ke ete esie atua enye eyet.

1 SAMUEL 10:7

Ndien ama ekem ke ini mme idiɔŋɔ emi esimde fi, nam ke idem fo nte ubɔk fo edikutde: koro Abasi odude ye afo.

ŊWED JOB 21:13

Edia eyo mmɔ ke mfɔniso, ndien ke idaha kiet mmɔ esuhɔre ke udi.

ISAIAH 38:10

Ami ŋkɔdɔhɔ ke ufɔt eyo uwem mi, ete, Nyeka ŋkoduk ke usuŋ obio ekpo: emebɔ mi isua mi emi esuhɔde.

ŊWED JOB 10:21

Ke mme ŋkaŋkaha kaŋa ke ɔtɔ eke mmendifiakke, ke isɔŋ ekim ye eke mfut mkpa,

ŊWED JOB 10:22

Ke isɔŋ emi okimde ɔkpɔsɔŋ ekim; eke mfut mkpa ye ndutime; emi uwemeyo etiede nte ekim.

MME ŊKE 3:28

Kudɔhɔ mbɔhiduŋ fo, ete, Ka, ndien fiak di, mkpɔŋ nyenɔ fi, ke odude ye afo.

MATTHEW 20:7

Mmɔ ete enye, Koro baba owo kiet mikekpehe nnyin utom.

JOHN 5:4

Koro angel Abasi esito ke enyɔŋ edi ke ini ke ini onyuŋ editimede mmɔŋ oro, ndien akpa owo udɔŋɔ emi ebemde iso oduk mmɔŋ oro eyekop nsɔŋidem.