ECCLESIASTES 8:13 - Edisana ñwed Abasi Ibom

¹³ edi idifɔnke fɔn inɔ idiɔk owo edi enye eyemuhɔ uwem nte ukpɔŋ: koro enye mibakke ke iso Abasi.

ECCLESIASTES 8:13 Referans Kwoze

ECCLESIASTES 6:12

Koro anie owo ɔfiɔk se ifɔnde ye owo ke uwem esie, ke adaŋa ibat usen ikpikpu uwem esie, emi enye adiade nte ukpɔŋ? ndien anie ekeme ndisian owo ŋkpɔ eke editienede enye odu ke idak utin?

ISAIAH 3:11

Ifɔnke fɔn inɔ idiɔk owo! ke ɔdiɔk: koro eyenam enye se ubɔk esie anamde.

ŊWED JOB 14:2

Owo asiaha nte ikɔŋ, ndien esibe enye efep, enye efehe ebe nte ukpɔŋ, inyuŋ ibigike.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

ISAIAH 57:21

Abasi mi ɔdɔhɔ mme idiɔk owo, Emem iduhe.

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

JAMES 4:14

Uwem mbufo edi nso? Mbufo edi ntuhube, emi ɔwɔrɔde ke ekpri ini, ndien ebe efep.

JOHN 5:29

mmɔ emi ekanamde se ifɔnde eyewɔŋɔ eduk ke eriset uwem, mmɔ emi ekanamde se idiɔkde eyenyuŋ ewɔŋɔ eduk ke eriset ikpe.

ISAIAH 30:13

oro esin idiɔk ido emi etiede ye mbufo nte ubak edikoŋ ibibene eke ɔbuŋɔde oyom ndiduɔ, ɔnyuhɔde, ndien okibe ini kiet, owure ɔduɔ.

ŊWED MME PSALM 144:4

Owo ebiet ikpikpu: eyo esie etie nte ukpɔŋ eke ebede ɔnyɔŋ.

ŊWED MME PSALM 55:23

Ndien afo, O Abasi, eyenam mmɔ esuhɔre ke obube mbiara: mbon afai ye eke abiaŋa ididuhe ibio uwem mmɔ; edi ami nyebuɔt idem mi ye afo.

ŊWED MME PSALM 39:5

Sese, afo omonim usen mi nte ekaubɔk; eyo mi idige baba ŋkpɔ kiet ke iso fo: kpukpru owo edi kpasuk ibifik, esɔŋ nte esesɔŋ [Selah.]

ŊWED MME PSALM 11:5

Jehovah odomo edinen owo: ndien ama edi idiɔk owo, ye owo eke amade afai, ukpɔŋ esie asua mmɔ.

ŊWED JOB 21:30

Ete ke emenim mme idiɔk owo enɔ usen nsobo? Eyeda mmɔ edi ke usen iyaresit.

ŊWED JOB 20:5

Ete ke mkpo mme idiɔk owo ibigike, idara oburobut owo onyuŋ odu ini esisit kpɔt?

ŊWED JOB 18:5

Uŋwana mme idiɔk owo eyenime ŋko: edemikaŋ esie idinyuŋ iyamake.

ECCLESIASTES 3:14

Mmɔfiɔk nte ke kpukpru se Abasi anamde edibigi ke nsinsi: inyeneke nte ediande ŋkpɔ ke esit, inyuŋ inyeneke nte esiode ŋkpɔ ke esit efep: ndien Abasi anam ntem, man mmɔ efehe ndik ke iso esie.

ECCLESIASTES 5:7

Koro se idide ikpikpu onyuŋ odu ke uwak ndap ŋko: kpa ntre ŋko odu ke uwak ikɔ: edi bak Abasi.

ECCLESIASTES 7:15

Mma ŋkere kpukpru ŋkpɔ emi ke ikpikpu mme usen mi; enyene eti owo eke esobode enye ke eti ido esie, onyuŋ enyene idiɔk owo eke ebigide uwem ke idiɔk ido esie.

ECCLESIASTES 7:18

Ɔfɔn nte afo ɔsɔŋɔde omum emi; kunyuŋ usio ubɔk ke ŋkpɔ emi ufep: koro owo eke abakde Abasi eyewɔrɔ ke mme mmɔ emi kpukpru ɔbɔhɔ.

ECCLESIASTES 8:8

Baba owo kiet idige etubom spirit, eke edimumde spirit akama; baba owo kiet inyuŋ idige etubom ke usen mkpa: inyuŋ iyakke baba owo kiet ɔkpɔŋ ekɔŋ emi; idiɔk ido idinyuŋ inamke mme anditiene enye ebɔhɔ.

ISAIAH 65:20

Ndien eyen-nsek ke usen, ye mbiowo eke miyɔhɔke ini esie, idiwɔrɔke aba do: koro akparawa eyekpa ke osimde isua ikie; ndien isuŋi eyeda anam-idiɔk ke osimde isua ikie.

ŊWED MME PSALM 37:1

KUYAT esit ubaŋa mme oburobut owo; kufibe ufup ye mme anam-idiɔk.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.