ECCLESIASTES 8:11 - Edisana ñwed Abasi Ibom

¹¹ Koro miwarake ndinɔ idiɔk owo ufen, oro esin nditɔ owo esɔŋ esit ke idem mmɔ enam idiɔk.

ECCLESIASTES 8:11 Referans Kwoze

ISAIAH 26:10

Ɔkpɔfɔn ido ye idiɔk owo, enye idikpepke se inende; enye eyenam ukwaŋ-ŋkpɔ ke isɔŋ mmɔ eke enende, idinyuŋ ikwe ubom Jehovah.

ŊWED MME PSALM 10:6

Enye ɔdɔhɔ ke esit esiemɔ, ete, Ndisehekede; ke ofuri emana ami ndi owo emi mididuhe ke idiɔk.

JEREMIAH 48:11

Moab ama oduŋ ke ifure toto ke ini uyen esie, enye ama onyuŋ etie ke ntak esie, ika-inyuŋ ikaŋake enye ke abaŋ kiet isin ke abaŋ eken, ika-inyuŋ itaŋke enye ifep: oro esin inem esie ebigi enye ke esit, ufuɔŋ esie inyuŋ ikpuhɔkede.

EXODUS 8:15

Ekem adaŋemi Pharaoh okutde nte nduɔk-odudu odude, enye ɔsɔŋɔ esit esiemɔ, inyuŋ ikopke inɔ mmɔ; kpa nte emi Jehovah ɔkɔdɔhɔde.

ISAIAH 57:11

Afo onyuŋ abak, onyuŋ efehe anie, eke okosude nsu, ndien mutihi mi, munyuŋ ukereke ke esit? Nte ami ndopke uyo toto ke idem eyo oko, ndien afo ubakke mi?

JEREMIAH 42:15

mbufo, O nditɔ Judah emi esuhɔde, ekop ndien uyo Jehovah: ntem ke Jehovah mme udim Abasi Israel ɔdɔhɔ, ete, Edieke mbufo ediwukde iso mbufo, ete ika Egypt, ndien eka ndiduŋ do;

EXODUS 8:32

Ndien Pharaoh ɔsɔŋɔ esit esiemɔ ke idem ini emi ŋko, inyuŋ iyakke mbon oro eka.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

2 SAMUEL 11:15

Enye onyuŋ ewet ke ŋwed, ete, Mbufo enim Uriah ke iso ekɔŋ eke ɔsɔŋde sɔŋ, enyuŋ efiak edem ekpɔŋ enye, man enye ada unan akpa.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ŊWED JOB 24:23

Enye (Abasi) ɔnɔ enye ifure, ndien enye eberi edem; Enye onyuŋ etiŋ enyin ke usuŋ mmɔ.

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.