ECCLESIASTES 7:12 - Edisana ñwed Abasi Ibom

¹² Koro eti ibuot edide se ikpemede, inyene onyuŋ edi se ikpemede, edi ata ifiɔk ye eti ibuot eyenam mme andinyene enye edu uwem.

ECCLESIASTES 7:12 Referans Kwoze

MME ŊKE 8:35

Koro owo eke okutde mi okut uwem, eyenyuŋ ɔbɔ Jehovah mfɔn.

MME ŊKE 3:18

Enye edi eto uwem mmɔ eke emumde enye ekama: onyuŋ ɔfɔn ye mmɔ eke efatde enye.

MME ŊKE 2:7

Enye onim ifure ɔnɔ mbon edinen ido, onim otu-ekɔŋ ɔnɔ mmɔ eke esaŋade nte ɔfɔnde ama.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 12:50

Ndien mmɔfiɔk nte item Esie edi uwem nsinsi: mmɔdo mme ŋkpɔ eke etiŋde, ntiŋ kpa nte Ete ɔkɔnɔde Mi uyo.

MME ŊKE 11:4

Inyene ididoroke ke usen iyaresit: edi eti ido osio owo ke mkpa.

JUDGES 9:15

Ndien mbarekpe ɔdɔhɔ mme eto, ete, Edieke mbufo enimde mi ke ɔbɔŋ mbufo ke akpanikɔ, mbufo edi edibuɔt idem ke mfut mi; edi midige ntre, ikaŋ eyewɔrɔ ke mbarekpe akata mme cedar ke Lebanon.

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

ISAIAH 33:6

Ndien Enye eyedi ifure eyo fo, odudu erinyaŋa, ye ɔniɔŋ, ye ifiɔk: uteŋe Jehovah eyedi inyene esie.

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

MME ŊKE 9:11

Koro oto mi usen fo eyewak, eyenyuŋ edian isua uwem enɔ fi.

MME ŊKE 2:11

Ekikere eyetie ekpeme fi, mbufiɔk eyenim fi,

ŊWED MME PSALM 57:1

TUA mi mbɔm, O Abasi, tua mi mbɔm, koro ukpɔŋ mi ɔbuɔtde idem ye afo: ami nnyuŋ mbuɔt idem ke mfut mba fo tutu mme idiɔk-ŋkpɔ emi efehe ebe.

ŊWED JOB 1:10

Nte afo usinke ɔkɔ ukan enye, ye ufɔk esie, ye kpukpru se enye enyenede, ukuk? Afo ɔmɔdiɔŋ se ubɔk esie anamde, inyene esie omonyuŋ ɔtɔt ke isɔŋ?

DEUTERONOMY 32:47

Koro enye midige ŋkpɔ mbubru ye mbufo: koro edide uwem mbufo: ndien mbufo eda ŋkpɔ emi edinam mme usen mbufo ebigi ke isɔŋ emi mbufo ebede Jordan eka do ndida enye nnyene.

ISAIAH 30:2

Mmɔ esuhɔre eka Egypt, edi ibupke uyo mi; ebine odudu Pharaoh, enyuŋ ebuɔt idem ke mfut Egypt.

MME ŊKE 14:20

Idem mbɔhiduŋ ubuene esua enye: edi ɔbɔŋ enyene ediwak ufan.

ECCLESIASTES 2:13

Ndien ami ndikut nte ke ifiɔk enyene se ikande ndisime, kpa nte uŋwana akande ekim.

ECCLESIASTES 7:19

Eti ibuot anam enyene-ibuot owo ɔsɔŋ akan mbɔŋ duop eke edude ke obio.

ECCLESIASTES 9:16

Ndien ami ndɔhɔ, nte ke eti ibuot ɔfɔn akan uko; edi mmɔ ese eti ibuot eyen-ubuene oro ke ndek, inyuŋ ikopke uyo esie.

ECCLESIASTES 9:18

Eti ibuot ɔfɔn akan ŋkpɔ-ekɔŋ, ndien anam-idiɔk kiet abiat ediwak nti ŋkpɔ.

ECCLESIASTES 10:19

Enam udia ke mbre, wine onyuŋ adat mme odu-uwem esit: inyene onyuŋ ɔbɔrɔ kpukpru ŋkpɔ.