ECCLESIASTES 4:8 - Edisana ñwed Abasi Ibom

⁸ Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 4:8 Referans Kwoze

1 JOHN 2:16

Koro ofuri-ofuri se idude ke ererimbot, mbumek obukidem, ye mbumek enyin, ye ikpikpu ubɔŋ uwem emi, itoho Ete, edi oto ke ererimbot.

MME ŊKE 27:20

Obio ekpo ye nsobo iyuhɔke: kpa ntre ke enyin owo inyuŋ iyuhɔke.

LUKE 12:20

Edi Abasi ɔdɔhɔ enye ete, Afo anana ibuot, eye-kpak ukpɔŋ fo ke ubɔk fo ke okoneyo emi; ndien anie edidia ŋkpɔ eke ɔkɔkɔde onim?

ECCLESIASTES 1:8

Kpukpru ikɔ ekpa mba; owo ikemeke nditiŋ mmɔ; erise iyuhɔke enyin, erikop inyuŋ iyuɔhɔke utɔŋ.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ISAIAH 5:8

Ifɔnke fɔn inɔ mmɔ eke ekɔtde ufɔk ke ufɔk, edian iŋwaŋ ke iŋwaŋ, tutu ebiet iduhe, mbufo enyuŋ eduŋ ikpɔŋ ke ufɔt isɔŋ.

ECCLESIASTES 5:10

Owo eke amade silver iyuhɔke silver; ndien owo ekededi eke amade inyene idikwe utɔt; emi onyuŋ edi ikpikpu.

ŊWED MME PSALM 39:6

Owo asasaŋa kpasuk nte ukpɔŋ: mmɔ enam afanikɔŋ edian idem mmɔ ke kpasuk ibifik: enye obok ŋkpɔ onim, ndien ifiɔkke owo eke editaŋde.

GENESIS 2:18

Ekem Jehovah Abasi ete, Ke ifɔnke owo ndidu ikpɔŋ; nyenam andinyaŋa ekem ye enye.

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

ECCLESIASTES 2:23

Koro kpukpru usen esie edide ndutuhɔ; utom esie onyuŋ edi uyat-uyat; ke idem okoneyo esit esie inaŋa suŋ. Emi ŋko onyuŋ edi ikpikpu.

ECCLESIASTES 2:21

Koro enyenede owo eke akanamde ŋkpɔ ke eti-ibuot, ye ke ifiɔk, ye ke ikike; ndien enye enyene ndida udeme esit nnɔ owo eke mika-namke ŋkpɔ ke esit. Emi ŋko edi ikpikpu ye akamba idiɔk ŋkpɔ.

ECCLESIASTES 4:7

Ndien ami ntɔŋɔ ntak nse ikpikpu ŋkpɔ kiet ke idak utin.

ŊWED MME PSALM 39:7

Ntie mbet nso, ndien? O Ɔbɔŋ, mmodori fi enyin mi.

ECCLESIASTES 5:9

Edi udori iŋwaŋ ana ɔnɔ kpukpru: eda iŋwaŋ enam ŋkpɔ enɔ edidem.