ECCLESIASTES 2:10 - Edisana ñwed Abasi Ibom

¹⁰ Ndien nsinke enyin mi baba ŋkpɔ kiet eke mmɔ eyomde, mfarake esit mi ke baba idara kiet: koro esit akadatde mi ke ofuri ɔkpɔsɔŋ utom mi: ndien emi onyuŋ edi udeme mi, eke otode ke ofuri ɔkpɔsɔŋ utom mi.

ECCLESIASTES 2:10 Referans Kwoze

ECCLESIASTES 9:9

Afo ye ŋwan emi afo amade, dia uwem kpukpru usen ikpikpu uwem fo, emi Enye ɔnɔde fi ke idak utin, kpa kpukpru usen ikpikpu uwem fo: koro enye emi edide udeme fo ke uwem, ye ke utom fo eke afo anamde ke idak utin.

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 3:22

Ndien ŋkut nte ke eti ŋkpɔ iduhe ikan nte owo adatde esit ke se enye anamde: koro udeme esie edi oro: koro anie edida enye owut se ididude enye ke edem?

ŊWED MME PSALM 119:37

Kabare mi enyin fep ŋkukut nsu-usn ŋkpɔ; da usuŋ fo nim mi uwem.

ŊWED MME PSALM 128:2

Koro afo edidiade utom ubɔk fo: ɔfɔn ɔnɔ fi, afo onyuŋ okut eti ŋkpɔ.

1 JOHN 2:16

Koro ofuri-ofuri se idude ke ererimbot, mbumek obukidem, ye mbumek enyin, ye ikpikpu ubɔŋ uwem emi, itoho Ete, edi oto ke ererimbot.

ECCLESIASTES 2:22

Koro nso ŋkpɔ ana ɔnɔ owo ke ofuri utom esie ye ɔkpɔsɔŋ ifik esit esiemɔ emi enye anamde ke idak utin?

ECCLESIASTES 11:9

O akparawa, dara ke uyen fo; yak esit fo onyuŋ enem fi ke usen emi afo edide akparawa, nyuŋ tiene usuŋ esit fo, ye se enyin fo okutde: edi fiɔk ete ke Abasi edikot fi edi ikpe abaŋa kpukpru ŋkpɔ emi.

ECCLESIASTES 6:9

Se enyin ekutde ɔfɔn akan esit eke oyode; emi ŋko edi ikpikpu ŋkpɔ ye idomo eke miwɔrɔke usuŋ.

MME ŊKE 23:5

Nte afo ediyak enyin fo efe oduk ke esit? Amanam, enye iduhe: koro enye editibede mba ke idem esie: enye efe ɔnyɔŋ ke heaven nte ntrukpom.

ŊWED JOB 31:1

MMODIOMI ediomi ye enyin mi; nnam didie, ndien, ntiŋ enyin eyen-aŋwan ke idem?

JUDGES 14:2

Ndien enye ɔdɔk eketiŋ ɔnɔ ete esie ye eka esie, ete, Mma ŋkut ŋwan kiet ke otu nditɔ mme Philistine iban ke Timnah: mbufo eda enye ndien enɔ mi ndɔ.

GENESIS 6:2

enyuŋ emanade enɔ mmɔ, ndien nditɔ-iren Abasi ekut ndito-iban owo nte eyede, ndien mmɔ eda iban kpukpru eke mmɔ emekde edɔ.

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

ECCLESIASTES 5:10

Owo eke amade silver iyuhɔke silver; ndien owo ekededi eke amade inyene idikwe utɔt; emi onyuŋ edi ikpikpu.

ECCLESIASTES 6:2

kpa owo eke Abasi ɔnɔde enye ata ediwak inyene eti-eti, ye ubɔŋ, ndien baba ŋkpɔ kiet eke ukpɔŋ esie amade, inanake enye, edi Abasi iyakke enye ekeme ndidia ke esit; koro isen owo edidiade enye: emi edi ikpikpu, onyuŋ edi idiɔk udɔŋɔ.

ECCLESIASTES 9:6

Ndien ŋko ima mmɔ, ye usua mmɔ, ye ufup mmɔ emetak ema; mmɔ idinyuŋ inyeneke aba udeme ke nsinsi ke ŋkpɔ baba kiet eke enamde ke idak utin.

ECCLESIASTES 2:1

AMI ndɔhɔ ke esit mi, nte, Di ndien, yak nda mbre ndomo fi, nyuŋ dia eti ŋkpo. Ndien, sese, emi ŋko onyuŋ edi ikpikpu.

ECCLESIASTES 2:24

Baba ŋkpɔ kiet ifɔnke ye owo, ikan ndidia ŋkpɔ, nnyuŋ ŋŋwɔŋ, nnyuŋ nnam ukpɔŋ esie adia se ifɔnde ke utom esiemɔ. Ama edi emi ŋko, ami mmokut nte ke oto Abasi ke ubɔk.

ECCLESIASTES 5:17

Ndien ŋko enye adia kpukpru usen esie ke ekim, onyuŋ okut ediwak iyaresit, ye udɔŋɔ, ye ifiopesit.

ECCLESIASTES 8:15

Ndien ami ntoro idara, koro owo minyeneke eti ŋkpɔ ke idak utin, ke mibɔhɔke ndidia ŋkpɔ, nnyuŋ ŋŋwɔŋ, nnyuŋ ndara: ndien edi emi edidiana ye enye ke utom esie, ke ofuri uwem esie emi Abasi ɔnɔde enye ke idak utin.