ECCLESIASTES 11:5 - Edisana ñwed Abasi Ibom

⁵ Kpa nte afo mufiɔkke se idide usuŋ spirit, ye nte mme ɔkpɔ etiede ke idibi aŋwan eke oyomode: kpa ntre ŋko afo ufiɔkke utom Abasi emi anamde kpukpru.

ECCLESIASTES 11:5 Referans Kwoze

JOHN 3:8

Ofim ofime ɔtɔ nte amama, ndien afo okop uyom esie, edi ufiɔkke ebiet enye oto, ye ebiet enye aka:

ŊWED MME PSALM 92:5

O Jehovah, se afo anamde okpon didie! Ekikere fo emetuŋɔ eti-eti.

ECCLESIASTES 8:17

ndien ŋkut kpukpru se Abasi anamde, nte ke owo ikemeke ndifiɔk se enamde ke idak utin: koro okposuk edi nte owo ediŋwanade nditim nnyuŋɔ, enye idikwe: ndien idem ɔfiɔkŋkpɔ owo ama ekere ete ke imɔ idifiɔk, enye idikemeke ndikut.

ŊWED MBON ROME 11:33

Uwak ɔniɔŋ ye ifiɔk Abasi edituŋɔ adaŋa didie! Mme ikpe Esie ekak owo ndiduŋɔre adaŋa didie, onyuŋ ayaŋa owo nditiene nde usuŋ Esie.

ISAIAH 40:28

Nte afo ufiɔkke? nte afo akanam ukopke? Jehovah emi okobotde mme utit ererimbot edi nsinsi Abasi; enye ikpaha mba, inyuŋ ikpɔtke; idige nte eduŋɔrede asian esie.

ŊWED MME PSALM 104:24

O Jehovah, ŋkpɔ emi afo anamde ewak didie! Afo amanam mmɔ kpukpru ke ifiɔk; inyene fo ɔyɔhɔ ke ererimbot.

ECCLESIASTES 7:24

Anie ekeme nditim ŋkut ŋkpɔ eke anade oyom usuŋ, onyuŋ ɔtuŋɔde eti-eti?

ŊWED MME PSALM 40:5

Afo, O Jehovah Abasi mi, amanam utibe ido fo, ye ekikere fo eke ekerede nnyin, ewak: idige nte etiŋde mmɔ enɔ fi: mmoyom ndisiak nnyuŋ mbuk mmɔ, edi mmɔ ekan nte ebatde.

ŊWED JOB 38:4

Afo okodu mmɔŋ ke ini ntɔŋɔde ndinam ererimbot? Tiŋ, edieke afo ɔfiɔkde mbufiɔk.

ŊWED JOB 37:23

Abasi Ibom! nnyin ikemeke ndisim Enye: okpon odudu, ye ikpe, onyuŋ awak eti ido; iditukke tuk.

ŊWED JOB 5:9

Emi anamde ikpɔ ŋkpɔ eke mikemeke ndiduŋɔ; mme utibe ŋkpɔ tutu ekan ibat:

ECCLESIASTES 1:6

Ofum aka usuk, ndien akanare aka edere; akanare, akanare asaŋa; ndien ofum ɔtɔŋɔ ntak oduk ke usuŋ emi enye akanarede.

ECCLESIASTES 1:13

Ndien nsin esit mi, nda ifiɔk nyom, nnyuŋ ntim nse kpukpru se enamde ke idak ikpa-enyɔŋ. Idiɔk utom kiet emi ke Abasi ɔmɔnɔ nditɔ owo, ete esin ubɔk ke esit.

ECCLESIASTES 3:10

Mma ŋkut utom emi Abasi ɔnɔde nditɔ owo, ete esin idem ke esit.

ECCLESIASTES 3:11

Enye ama anam kpukpru ŋkpɔ eye ke ini mmɔ: ama onyuŋ esin mmɔ asian ke esit, koro edieke asian miduhe, owo ikemeke ndikut ŋkpɔ emi Abasi anamde, ɔtɔŋɔde ke ibuot tutu osim utit.

ECCLESIASTES 11:4

Owo eke ekpemede ofum idisuanke mkpasip, ndien owo eke esede ikpa-enyɔŋ idikpeŋeke.