ECCLESIASTES 11:1 - Edisana ñwed Abasi Ibom

¹ DUƆK uyo fo ke enyɔŋ mmɔŋ: koro afo eyekut enye ke ediwak usen ebede.

ECCLESIASTES 11:1 Referans Kwoze

ECCLESIASTES 11:6

Suan mkpasip fo ke usenubɔk; kunyuŋ ufara ubɔk fo ke mbubreyo: koro afo mufiɔkke ubak eke ediwɔrɔde usuŋ, mme emi mme oro; unyuŋ ufiɔkke mme mbiba edifɔn ukem-ukem.

MME ŊKE 19:17

Atua ubuene mbɔm ɔbuɔt Jehovah ŋkpɔ: ndien Enye eyenɔ enye usiene utom esie.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

MATTHEW 10:42

Ndien owo ekededi eke edidade cup mbit-mbit mmɔŋ ɔnɔ kiet ke otu ŋkpri owo emi ɔŋwɔŋ ke enyiŋ mbet Mi, ke akpanikɔ ke ndɔhɔ mbufo, enye iditreketre ndibɔ utip esie.

2 ŊWED CORINTH 9:6

Edi emi ke ndɔhɔ; owo eke ɔtɔde ke ufat eyenyuŋ ɔdɔk ke ufat; owo ke eke ɔtɔde ke ntarubɔk, uwak-uwak ke enye eyenyuŋ ɔdɔk.

ISAIAH 32:20

Ɔfɔfɔn ɔnɔ mbufo emi etɔde ŋkpɔ ke mben kpukpru mmɔŋ, emi esanade enaŋ ye ass ukot eyak.

LUKE 14:14

ndien eyefɔn ye afo: koro mmɔ minyeneke se edidade esio fi usiene: edi eyenɔ fi usiene ke ini eriset nti owo.

ISAIAH 32:8

Edi owo ntarubɔk aduak ŋkpɔ ntarubɔk; onyuŋ anam ekikak ke ntarubɔk.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MME ŊKE 22:9

Edi enyin mfɔn edikut mfɔn: koro enye adade udia esie ɔnɔ ubuene.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

MATTHEW 10:13

Ndien edieke ufɔk oro odotde, yak emem mbufo odoro ke esit; edi edieke ufɔk oro midotke, yak emem mbufo afiak etiene mbufo.

2 SAMUEL 17:29

ye se efɔpde, ye aran-ɔkwɔk, ye edibari mmɔŋ-eba, ye ŋkpri ufene, ye cheese enaŋ, edisɔk David, ye mmɔ eke edude ye enye, ete mmɔ edia ŋkpɔ: koro edɔhɔde ete, Mmɔ oro emekpa biɔŋ, enyuŋ ekpɔt, enyuŋ esat itɔŋ ke wilderness.

LEVITICUS 19:25

Ndien edia mfri esie ke ɔyɔhɔ isua ition, man mbuŋwum esie ɔtɔt ɔnɔ mbufo: ami ndi Jehovah Abasi mbufo.

ECCLESIASTES 3:6

ini eke eyomde, ye ini eke esopde; ini eke enimde, ye ini eke eduɔkde;

MATTHEW 25:17

Kpasuk ntre ŋko owo emi ɔkɔbɔde iba aŋwana iba efen odori.