ECCLESIASTES 10:6 - Edisana ñwed Abasi Ibom

⁶ emenere ndisime owo enim ke enyɔŋ ke ata edikoŋ ebiet, ndien mbon inyene etie ke obukpo ebiet.

ECCLESIASTES 10:6 Referans Kwoze

MME ŊKE 28:12

Ke ini nti owo edarade, ubɔŋ okpon: edi adaŋemi mme idiɔk owo edahade ke enyɔŋ, owo odibe.

MME ŊKE 29:2

Adaŋemi nti owo ekponide, mbio-obio edat esit: ndien adaŋemi mme idiɔk owo ekarade, mbio-obio eseme.

ŊWED MME PSALM 12:8

Mme idiɔk owo esesaŋa ekanare ekuk, adaŋemi ata mme oburobut owo eforode.

ESTHER 3:1

KE ŋkpɔ emi ema ekebe, Ahasuerus okpono Haman, eyen Hammedatha, Agagite, enyuŋ ofori enye, onyuŋ emenere ebekpo esie ke enyɔŋ akan kpukpru mbɔŋ emi edude ye enye.

MME ŊKE 28:28

Ke ini mme idiɔk owo eforode, owo edibe: edi adaŋemi esobode mmɔ, nti owo etɔt.

ESTHER 3:5

Ekem adaŋemi Haman okutde nte Mordecai minuhɔke, minyuŋ ituakke ibuot inɔ imɔ, esit ofut Haman ke idem.

MME ŊKE 19:10

Edinem udia idotke ndisime owo; ŋwaŋwa ediso ofin ndikara mbɔŋ.

ECCLESIASTES 10:5

Enyene idiɔk ido kiet emi ŋkokutde ke idak utin, nte ndudue eke otode edidem: