ECCLESIASTES 1:8 - Edisana ñwed Abasi Ibom

⁸ Kpukpru ikɔ ekpa mba; owo ikemeke nditiŋ mmɔ; erise iyuhɔke enyin, erikop inyuŋ iyuɔhɔke utɔŋ.

ECCLESIASTES 1:8 Referans Kwoze

MME ŊKE 27:20

Obio ekpo ye nsobo iyuhɔke: kpa ntre ke enyin owo inyuŋ iyuhɔke.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

MATTHEW 5:6

Ɔfɔfɔn ɔnɔ mmɔ eke ekopde biɔŋ ye nsat-itɔŋ edinen ido: koro mmɔ eyeyuhɔ.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ŊWED MME PSALM 63:5

Ukpɔŋ mi eyeyuhɔ kpa nte ke udia ye ikpɔŋ; ndien inua mi eyeda mkpɔk-inua idara otoro fi:

ECCLESIASTES 1:7

Kpukpru akpa mmɔŋ ewet eduk ke inyaŋ; edi inyaŋ iyɔhɔke; ke ebiet emi mme akpa etode, do ke mmɔ etɔŋɔ ntak eka.

HAGGAI 1:9

Mbufo ke edori enyin ke uwak, ndien sese esisit; ndien ke ini mbufo edade enye edi ke ufɔk, ami mfuri ke esit. Ke abaŋa nso? Jehovah mme udim ɔdɔhɔ. Ke abaŋa ufɔk mi emi abiarade ntem; ndien mbufo kpukpru efeŋe eka ufɔk mbufo.

ECCLESIASTES 6:7

Ofuri utom owo edi ke eke inua esiemɔ, edi itɔŋ esie iyuhɔke.