ECCLESIASTES 1:3 - Edisana ñwed Abasi Ibom

³ Owo adia nso udori ke ofuri ɔkpɔsɔŋ utom esie emi enye anamde ke idak utin?

ECCLESIASTES 1:3 Referans Kwoze

ECCLESIASTES 3:9

Owo eke anamde ŋkpɔ adia nso udori ke se enye akpade utom?

ECCLESIASTES 5:16

Emi ŋko onyuŋ edi ata akamba idiɔk-ŋkpɔ, emi enye edinyɔŋde kpasuk nte emi enye ekedide: ndien enye okut nso udori ke erinam ŋkpɔ mbɔ ofum?

ECCLESIASTES 2:22

Koro nso ŋkpɔ ana ɔnɔ owo ke ofuri utom esie ye ɔkpɔsɔŋ ifik esit esiemɔ emi enye anamde ke idak utin?

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

MATTHEW 16:26

Koro nso udori ke owo edikut, edieke enye adiade ofuri ererimbot, ndien ada uwen esie osio isop? mme nso ke owo edinɔ ke ibuot uwem esie?

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

ECCLESIASTES 2:19

Ndien anie ɔfɔfiɔk mme enye edidi owo eti ibuot, mme edidi owo ndisime? Edi enye eyekara ofuri ɔkpɔsɔŋ utom mi emi ŋkadade eti ibuot nnam ke idak utin: emi onyuŋ edi ikpikpu ŋko.

HABAKKUK 2:13

onyuŋ ɔsɔŋɔde onim obio ke ukwaŋ-ŋkpɔ! Sese, nte idige Jehovah mme udim esin mme idut ekpa utom enɔ idem ikaŋ,

ECCLESIASTES 9:13

Ŋkokut emi ŋko ke idak utin, kpa eti ibuot, ndien nse enye ke akamba ŋkpɔ.

ECCLESIASTES 9:6

Ndien ŋko ima mmɔ, ye usua mmɔ, ye ufup mmɔ emetak ema; mmɔ idinyuŋ inyeneke aba udeme ke nsinsi ke ŋkpɔ baba kiet eke enamde ke idak utin.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ECCLESIASTES 7:11

Eti ibuot ɔfɔn akan akpa (eke owo adiade); akpan-akpan (ɔfɔn) ye mmɔ ekutde utin.

ECCLESIASTES 6:12

Koro anie owo ɔfiɔk se ifɔnde ye owo ke uwem esie, ke adaŋa ibat usen ikpikpu uwem esie, emi enye adiade nte ukpɔŋ? ndien anie ekeme ndisian owo ŋkpɔ eke editienede enye odu ke idak utin?

ECCLESIASTES 5:18

Se ŋkpɔ emi ami nsede ke eti ŋkpɔ, ye ke ediye ŋkpɔ, kpa owo ndidia nnyuŋ ŋŋwɔŋ, nnyuŋ ŋkut se ifɔnde ke kpukpru utom esie, eke enye anamde ke idak utin, ke adaŋa ibat mme usen esie eke Abasi ɔnɔde enye: koro udeme esie edi oro.

ECCLESIASTES 4:3

Ndien ama edi owo eke mika-iduhe kaŋa, minyuŋ ikwe mme idiɔk ŋkpɔ emi enamde ke idak utin, ɔfɔn enye akan mmɔ mbiba.

HABAKKUK 2:18

Edisɔi mbiet odoro owo nso udori koro andibot enye ɔsiɔide enye? Editara mbiet ye andikpep nsu edoro owo nso udori, koro andibot ŋkpɔ-usɔ esie ɔbuɔtde idem ke esit, onyuŋ anamde ŋkpɔ eke edide ikpikpu ye imum?

ECCLESIASTES 4:7

Ndien ami ntɔŋɔ ntak nse ikpikpu ŋkpɔ kiet ke idak utin.

1 ŊWED CORINTH 16:16

Nyom mbufo esuk idem enɔ mmɔ emi etiede ntem, enyuŋ esuk idem enɔ kpukpru mmɔ emi eŋwamde ke utom, enyuŋ enamde utom ɔkpɔsɔŋ.

ECCLESIASTES 2:18

Ndien ŋko ami nsua ofuri ɔkpɔsɔŋ utom mi emi nnamde ke idak utin: koro nnyenede ndinim enye nnɔ owo eke editienede mi edem.