ECCLESIASTES 1:2 - Edisana ñwed Abasi Ibom

² Ɔkwɔrɔ-ikɔ ɔdɔhɔ, ete, Ata akpatre ikpikpu ŋkpɔ, ata akpatre ikpikpu ŋkpɔ; kpukpru ŋkpɔ edi ikpikpu.

ECCLESIASTES 1:2 Referans Kwoze

ŊWED MME PSALM 144:4

Owo ebiet ikpikpu: eyo esie etie nte ukpɔŋ eke ebede ɔnyɔŋ.

ŊWED MBON ROME 8:20

Koro ekenam ofuri ekondo osuk idem ɔnɔ ikpikpu ŋkpɔ, itoho ke erinyime esit, edi oto ke Enye emi akanamde enye osuk ntre, ye idori-enyin,

ECCLESIASTES 5:10

Owo eke amade silver iyuhɔke silver; ndien owo ekededi eke amade inyene idikwe utɔt; emi onyuŋ edi ikpikpu.

ECCLESIASTES 12:8

Ɔkwɔrɔ-ikɔ ɔdɔhɔ, ete Ata akpatre ikpikpu ŋkpɔ; kpukpru ŋkpɔ edi ikpikpu.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 2:19

Ndien anie ɔfɔfiɔk mme enye edidi owo eti ibuot, mme edidi owo ndisime? Edi enye eyekara ofuri ɔkpɔsɔŋ utom mi emi ŋkadade eti ibuot nnam ke idak utin: emi onyuŋ edi ikpikpu ŋko.

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 2:23

Koro kpukpru usen esie edide ndutuhɔ; utom esie onyuŋ edi uyat-uyat; ke idem okoneyo esit esie inaŋa suŋ. Emi ŋko onyuŋ edi ikpikpu.

ECCLESIASTES 2:17

Ndien nsua uwem emi: koro ŋkpɔ eke enamde ke idak utin akabarede ɔdiɔk ye ami: koro kpukpru edide ikpikpu ye idomo eke miwɔrɔke usuŋ.

ECCLESIASTES 11:8

Koro edieke owo oro edidude uwem ediwak isua, yak enye adara kpukpru; edi yak enye eti mme usen ekim: koro mmɔ eyewak; kpukpru se ididide edi ikpikpu.

ECCLESIASTES 6:11

Koro enyenede ediwak ŋkpɔ eke esinde ikpikpu ŋkpɔ ewak, owo enyene nso udori?

ECCLESIASTES 4:8

Owo kiet odu, ndien efen iduhe; ndien enye inyeneke eyen, inyuŋ inyeneke eyen-eka: ndien ofuri ɔkpɔsɔŋ utom esie inyeneke utit; enyin esie ŋko iyuhɔke inyene; inyuŋ idɔhɔke ite, “Ami ŋkpakpa utom, nnyuŋ mbɔ ukpɔŋ mi eti ŋkpɔ, nnɔ anie?” Emi ŋko onyuŋ edi ikpikpu ŋkpɔ; onyuŋ edi ukut-ukut idomo.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

ECCLESIASTES 3:19

Koro amadi se inɔmɔde nditɔ owo, oro ɔnɔmɔ mme unam: ŋkɔm ŋkpɔ kiet ɔnɔmɔ mmɔ; nte enye emi akpade, kpa ntre ke eken akpa; kpukpru mmɔ enyene kpasuk ibifik kiet; akakan eke owo akande unam inyuŋ iduhe koro kpukpru edide ikpikpu.

ECCLESIASTES 2:21

Koro enyenede owo eke akanamde ŋkpɔ ke eti-ibuot, ye ke ifiɔk, ye ke ikike; ndien enye enyene ndida udeme esit nnɔ owo eke mika-namke ŋkpɔ ke esit. Emi ŋko edi ikpikpu ye akamba idiɔk ŋkpɔ.

ECCLESIASTES 11:10

Sio iyaresit ke esit fo fep, ndien, nyuŋ bin se idiɔkde ke obukidem fo fep: koro uyen ye usiere uwem edide ikpikpu.

ECCLESIASTES 4:16

Kpukpru mbio oro inyeneke utit, kpa kpukpru mmɔ emi enye adade mmɔ ke iso; edi mmɔ eke editienede edem ididarake enye. Ŋkɔm emi ŋko edi ikpikpu ye idomo eke miwɔrɔke usuŋ.

ECCLESIASTES 2:15

Ndien ndɔhɔ ke esit mi, nte, ke emi ŋko onyuŋ edi ikpikpu.

ŊWED JOB 11:12

Edi anana-ibuot owo eyekabare enyene ibuot, ke ini eyen ass ikɔt edikabarede edi owo.

ŊWED MME PSALM 89:47

Nte iyaresit fo edisak nte ikaŋ? Ti nte eyo uwem mi etiede: nsinam afo obotde kpukpru nditɔ owo ke ikpikpu?

ECCLESIASTES 2:8

Nnyuŋ ŋkɔ silver ye gold, ye inyene ndidem, ye eke mme province, nnɔ idem mi: nnyuŋ ŋkɔ mme ɔkwɔ-ikwɔ iren ye iban, ye ŋkpɔ eke enemde nditɔ owo esit, ɔbɔŋ-aŋwan ye iban-esa, nnɔ idem mi.