ECCLESIASTES 1:14 - Edisana ñwed Abasi Ibom

¹⁴ Mmokut kpukpru ŋkpɔ emi enamde ke idak utin; ndien, sese, kpukpru edi ikpikpu ye idomo eke miwɔrɔke usuŋ.

ECCLESIASTES 1:14 Referans Kwoze

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ECCLESIASTES 2:17

Ndien nsua uwem emi: koro ŋkpɔ eke enamde ke idak utin akabarede ɔdiɔk ye ami: koro kpukpru edide ikpikpu ye idomo eke miwɔrɔke usuŋ.

ECCLESIASTES 6:9

Se enyin ekutde ɔfɔn akan esit eke oyode; emi ŋko edi ikpikpu ŋkpɔ ye idomo eke miwɔrɔke usuŋ.

ECCLESIASTES 4:4

Ndien nse ofuri ɔkpɔsɔŋ utom, ke kpukpru utom eke ɔwɔrɔde unen, nte ke enye edi ntak emi mbɔhiduŋ owo ofibede ufup ye owo. Emi ŋko onyuŋ edi ikpikpu ŋkpɔ ye idomo eke miwɔrɔke usuŋ.

ECCLESIASTES 4:16

Kpukpru mbio oro inyeneke utit, kpa kpukpru mmɔ emi enye adade mmɔ ke iso; edi mmɔ eke editienede edem ididarake enye. Ŋkɔm emi ŋko edi ikpikpu ye idomo eke miwɔrɔke usuŋ.

ECCLESIASTES 8:16

Ke adaŋemi nnimde ibuot mi ke ndifiɔk mbufiɔk, ndinyuŋ ŋkut utom eke enamde ke ererimbot: koro owo minyuŋ idehe idap ke enyin esie, ke uwemeyo ye ke okoneyo:

ECCLESIASTES 3:19

Koro amadi se inɔmɔde nditɔ owo, oro ɔnɔmɔ mme unam: ŋkɔm ŋkpɔ kiet ɔnɔmɔ mmɔ; nte enye emi akpade, kpa ntre ke eken akpa; kpukpru mmɔ enyene kpasuk ibifik kiet; akakan eke owo akande unam inyuŋ iduhe koro kpukpru edide ikpikpu.

ECCLESIASTES 4:6

Ifure eke ɔyɔhɔde ubɔk kiet ɔfɔn akan ɔkpɔsɔŋ utom ye ikpikpu idomo eke eyɔhɔde ubɔk mbiba.

ECCLESIASTES 12:8

Ɔkwɔrɔ-ikɔ ɔdɔhɔ, ete Ata akpatre ikpikpu ŋkpɔ; kpukpru ŋkpɔ edi ikpikpu.