DEUTERONOMY 8:10 - Edisana ñwed Abasi Ibom

¹⁰ Adaŋemi afo adiade ŋkpɔ ɔyuhɔ, kɔm ndien Jehovah Abasi fo ke eti isɔŋ emi enye ɔnɔde fi.

DEUTERONOMY 8:10 Referans Kwoze

ŊWED MME PSALM 103:2

O ukpɔŋ mi, kɔm Jehovah, kunyuŋ ufre kpukpru nti enɔ esie:

ŊWED MBON ROME 14:6

Owo eke okponode usen okpono enye ɔnɔ Ɔbɔŋ: owo eke onyuŋ adiade ŋkpɔ adia ɔnɔ Ɔbɔŋ, koro enye ɔnɔde Abasi ekɔm: enye eke minyuŋ idiaha etre ndidia ɔnɔ Ɔbɔŋ, enye ŋko onyuŋ ɔnɔ Abasi ekɔm.

MME ŊKE 3:9

Kpono Jehovah ke inyene fo, ye ke akpa ubak kpukpru mbuŋwum fo:

1 CHRONICLES 29:14

Edi ami ndi anie, ikɔt mi enyuŋ edi mme anie, eke nnyin ikemede nditat ubɔk ntem? Ŋkɔm kpukpru ŋkpɔ eto fi, nnyin inyuŋ inɔ fi se itode fi ke ubɔk.

MATTHEW 14:19

Ndien Enye ɔnɔ mme otu owo uyo, ete, esuhɔre etetie ke mbiet; onyuŋ emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, mbet enyuŋ eyak enɔ mme otu owo.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

JOHN 6:23

(Edi mme ubom eto ke Tiberias edikpere ebiet oro mmɔ ekadiade uyo, ke Ɔbɔŋ ama ɔkɔnɔ ekɔm.)

1 ŊWED THESSALONICA 5:18

Enɔ ekɔm ke kpukpru ŋkpɔ; koro emi edi se Abasi amade mbufo enam ke Christ Jesus.

DEUTERONOMY 8:9

isɔŋ emi afo mudutaha uyo ke esit ke unana, udunanake baba ŋkpɔ kiet ke esit; isɔŋ emi itiat esie edide ukwak, emi afo edinyuŋ etibide okuk osio ke ikpɔ obot esie.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

ISAIAH 5:1

YAK nda ndien ikwɔ ufan mi eke abaŋade iŋwaŋ-vine esie, ŋkwɔ nnɔ ufan mi. Ufan mi ekenyene iŋwaŋ-vine ke obot mbiri.

JOEL 2:26

Ndien mbufo eyedia eyuhɔ, enyuŋ etoro enyiŋ Jehovah Abasi mbufo, emi akanamde mme utibe ŋkpɔ ye mbufo: ndien ikɔt mi idikwe but ke nsinsi.