DEUTERONOMY 7:7 - Edisana ñwed Abasi Ibom

⁷ Idige koro mbufo ekewakde ekan kpukpru mme idut, ekesin Jehovah ama mbufo, onyuŋ emek mbufo: koro mbufo ekpekpri ekan kpukpru mme idut:

DEUTERONOMY 7:7 Referans Kwoze

DEUTERONOMY 10:22

Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

1 JOHN 4:10

Ima odu ke oruk usuŋ emi, itoho ke emi nnyin ikamade Abasi, edi oto ke Abasi emi akamade nnyin, onyuŋ osiode Eyen Esie ɔdɔŋ, ete, edidi usio-isop mme idiɔk-ŋkpɔ nnyin.

ŊWED MBON ROME 9:21

Mme nte obot-eso inyenede unen ndisio ubak mbat kiet mbot eso nnim nnɔ itie ukpono, nnyuŋ nsio ubak mbat eken mbot eso nnim nnɔ usuhɔre-itie?

ŊWED MME PSALM 115:1

KUNƆ nnyin, O Jehovah, kunɔ nnyin, edi nɔ enyiŋ fo ubɔŋ, baŋa ima fo ye akpanikɔ fo.

ŊWED MBON ROME 9:18

Ntre ke Enye enyene mbɔm ye owo eke Enye amade, onyuŋ ɔsɔŋ owo esit nte amade.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

MATTHEW 7:14

Koro inua-otop emi adade owo osim uwem afafaha, usuŋ onyuŋ esire; ndien mme andikut enye iwakke.

ISAIAH 51:2

Mbufo ese Abraham ete mbufo, ye Sarah emi akamande mbufo: koro enye edide kierakiet ke ini ŋkotde enye, nnyuŋ ndiɔŋ enye, nnyuŋ nnam enye awak.

1 JOHN 3:1

ESE utɔ akwa ima emi Ete ɔkɔnɔde nnyin, ete nnyin ikpekere nditɔ Abasi: ndien oro ke nnyin inyuŋ idi. Ke ntak emi ererimbot ifiɔkke nnyin, koro mikɔfiɔkke Enye.

DEUTERONOMY 1:10

Jehovah Abasi mbufo ama anam mbufo etɔt, ndien, sese, mfin emi mbufo emewak nte ntantafiɔŋ ke ikpa-enyɔŋ.

DEUTERONOMY 4:37

Ndien oto koro enye akamade mme usɔ, mmɔde enye emekde nditɔ mmɔ emi etienede mmɔ ke edem, onyuŋ adade akwa odudu esie osio fi ke Egypt ke iso esiemɔ:

1 CHRONICLES 16:19

ke ini mbufo miwakke, ekpride, enyuŋ edi isen owo ke esit.

ŊWED MME PSALM 44:3

koro midige ofut mmɔ ke mmɔ eda ebɔ isɔŋ enyene, minyuŋ idige ubɔk mmɔ anyaŋa mmɔ: koro edide ita nnasia fo, ye ubɔk fo, ye uŋwana iso fo, koro afo amade mmɔ.

ŊWED MME PSALM 105:12

Ke ini eke ekemede ndibat mmɔ; edi esisit, ye mme isen owo ke esit.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

EZEKIEL 36:22

Dɔhɔ ndien ufɔk Israel, ete, Ntem ke Ɔbɔŋ Jehovah ɔdɔhɔ, ete, Ami nnamke ntem mbaŋa mbufo, ufɔk Israel, edi mbaŋa edisana enyiŋ mi emi mbufo esabarede ke otu mme idut emi mbufo ekade do.

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

ŊWED MME PSALM 105:6

mbufo ubon Abraham owo esie, nditɔ Jacob emi enye ekemekde.

EZEKIEL 20:5

nyuŋ dɔhɔ mmɔ, ete, Ntem ke Ɔbɔŋ Jehovah ɔdɔhɔ, ete, Ke usen oro ŋkemekde Israel, nnyuŋ mmenerede ubɔk mi nnɔ ubon ufɔk Jacob, nnyuŋ nyak mmɔ efiɔk mi ke isɔŋ Egypt, nnyuŋ mmenere ubɔk mi nnɔ mmɔ, nte, “Ami ndi Jehovah Abasi mbufo;”