DEUTERONOMY 7:25 - Edisana ñwed Abasi Ibom

²⁵ Mbufo eda edisɔi ŋkpɔ mbiet mme abasi mmɔ efɔp ke ikaŋ: kuyom silver ye gold eke ɔfuhɔde mmɔ ke idem, kunyuŋ uda enye ke idem fo, mbak enye edisin afia amia fi: koro Jehovah Abasi fo esede enye ke ŋkpɔ mbubiam.

DEUTERONOMY 7:25 Referans Kwoze

EXODUS 32:20

Ndien enye emen eyen enaŋ oro mmɔ ekenamde, ɔfɔp ke ikaŋ, onyuŋ ɔkɔk enye emem, ndien ada ɔduɔk ke enyɔŋ mmɔŋ, onyuŋ anam nditɔ Israel eŋwɔŋ.

1 CHRONICLES 14:12

Mmɔ enyuŋ ekpɔŋ mme abasi mmɔ do, ndien David ɔdɔhɔ ete efɔp mmɔ ke ikaŋ.

DEUTERONOMY 17:1

KUDA baba enaŋ kiet ye erɔŋ kiet eke obiomode ndo, ŋkpɔ ekededi eke ɔdiɔkde, uwa unɔ Jehovah Abasi fo: koro Jehovah Abasi fo esede oro ke ŋkpɔ ndek.

JOSHUA 7:21

ke adaŋa emi ŋkutde eti ekura Shinar kiet, ye shekel silver ikie iba, ye edeme o gold kiet, emi udobi esie edide shekel aba ye duop, ke otu ŋkpɔ mbume, nsin mmɔ esit mi ke esit, nnyuŋ nda mmɔ; ndien sese, mmɔ ebuhɔ ke isɔŋ ke ufɔt tent mi, silver onyuŋ edu ke idak.

DEUTERONOMY 12:3

mbufo enyuŋ ewuri mme itie-uwa mmɔ, enyun ebom mme adaha itiat mmɔ, enyuŋ efɔp mme eto-mkpe mmɔ ke ikaŋ enyuŋ esai edisɔi mbiet mme abasi mmɔ, enyuŋ esobo enyiŋ mmɔ ke ebiet oro efep.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

JOSHUA 7:1

EDI nditɔ Israel ebiat mbet ke ikɔ ŋkpɔ nsobo: koro Achan, eyen Carmi, eyen Zabdi, eyen Zerah, owo esien Judah, akadade ndusuk ŋkpɔ nsobo: ndien Jehovah ayat esit ye nditɔ Israel.

DEUTERONOMY 23:18

Kuda ŋkpɔ akpara, ye ekɔm-urua ebua, uduk ke ufɔk Jehovah Abasi fo, ke eke akaŋa ekededi: koro Jehovah Abasi fo esede mbiba emi ke ŋkpɔ mbubiam.

DEUTERONOMY 7:5

Edi mbufo enam ntem ye mmɔ; ewuri mme itie-uwa mmɔ, enyuŋ ebom mme adaha mmɔ, enyuŋ esiak eto-mkpe mmɔ, enyuŋ efɔp edisɔi mbiet mmɔ ke ikaŋ.

ERIYARARE 17:5

Enyuŋ ewet enyiŋ ke ɔkpɔ-iso esie, ndibe ikɔ emi ɔwɔrɔde ete, AKWA BABYLON! EKA MME AKPARA YE MBUBIAM IDO EKE EDUDE KE ISƆŊ.

ZEPHANIAH 1:3

Nyetaŋ owo ye ufene, nyetaŋ inuen enyɔŋ, ye iyak akwa mmɔŋ, ye ŋkpɔ eke esinde mmɔ edue, ŋkɔrɔ ye mme idiɔk owo: Jehovah onyuŋ ɔdɔhɔ; ete, Nyesibe owo ke iso idut emi mfep.

DEUTERONOMY 7:16

Ndien afo eyedia kpukpru mme idut eke Jehovah Abasi fo edinɔde fi; enyin fo okutua mmɔ mbɔm: kunyuŋ unam ido mme abasi mmɔ: koro oro eyekɔk afia ɔnɔ fi.

EXODUS 8:26

Ndien Moses ɔdɔhɔ ete, Inenke ndinam ntre: koro nnyin iyewa mbubiam Egypt inɔ Jehovah Abasi nnyin: sese, edieke nnyin idiwade mbubiam Egypt ke iso Jehovah, nte mmɔ iditɔŋɔke nnyin ke itiat?

EXODUS 20:17

Kuyom ufɔk mbɔhiduŋ fo; kuyom ŋwan mbɔhiduŋ fo, ye ofin eren esie, ye ofin aŋwan esie, ye enaŋ esie, ye ass esie, ye ŋkpɔ ekededi eke enyenede mbɔhiduŋ fo.

DEUTERONOMY 13:16

Ndien bon kpukpru mbume esie ke ufɔt aŋwa esie, nyuŋ fɔp obio ye kpukpru mbume esie ke ikaŋ, tutu okure tak, nɔ Jehovah Abasi fo: ndien obio eyedi mbot-mbot ke nsinsi; yak owo okubɔp aba enye.

2 NDIDEM 23:14

Enye onyuŋ obom mme adaha, onyuŋ asiak mme eto-mkpe, onyuŋ esin ɔkpɔ owo ke itie mmɔ ɔyɔhɔ.

LEVITICUS 13:52

Ndien yak enye ɔfɔp ɔfɔŋidem oro, edide nnyan-nnyan, onyuŋ edide mbiɔŋ-mbiɔŋ, edide idet erɔŋ, onyuŋ edide linen, mme ŋkpɔ ikpa ekededi, eke udɔŋɔ oro odude ke esit: koro enye edide idiɔk akpa-mfia; yak efɔp enye ke ikaŋ.

LEVITICUS 19:4

Mbufo ekukabare etiene ndem, ekunyuŋ etara ŋkpɔ enam abasi enɔ idem mbufo: ami ndi Jehovah Abasi mbufo.

DEUTERONOMY 27:15

Ɔdɔdiɔk ɔnɔ owo eke anamde edisɔi mme editara mbiet, emi Jehovah esede ke mbubiam, utom ubɔk anam-usɔ, ndien emen enye onim ke ndibe ebiet. Ndien yak kpukpru owo ebɔrɔ ete, Amen.

ISAIAH 41:24

Sese, mbufo edi ikpikpu, utom mbufo onyuŋ ekpri akan ikpikpu: enye emi edimekde mbufo edi mbubiam.