DEUTERONOMY 6:7 - Edisana ñwed Abasi Ibom

⁷ nyuŋ dɔdiɔŋ siak mmɔ nɔ nditɔ fo, nyuŋ kama mmɔ ke inua fo ke ini afo etiede ke ufɔk fo, ye ini afo asaŋade ke usuŋ, ye ke ini afo anade ke isɔŋ, ye ke ini afo adahade ke enyɔŋ.

DEUTERONOMY 6:7 Referans Kwoze

DEUTERONOMY 11:19

Mbufo enyuŋ eda mmɔ eteme nditɔ mbufo, enyuŋ edɔhɔ ebaŋa mmɔ ke ini afo etiede ke ufɔk fo, ye ke asaŋade ke usuŋ, ye ke anade ke isɔŋ, ye ke edemerede ke idap.

ŊWED MBON EPHESUS 6:4

Ndien mbufo mme ete, ekufiomo nditɔ mbufo; edi ekama mɔ ke ntunɔ ye item Ɔbɔŋ.

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

MME ŊKE 6:22

ke ini anade ke isɔŋ, enye eye-kpeme fi; ndien ke edemerede, enye eyesioŋo nneme ye afo.

LUKE 6:45

Eti owo osioŋo se ifɔnde ke nti ŋkpɔ eke enye okobonde ke esit esie; idiɔk owo onyuŋ osioŋo se idiɔkde ke mme idiɔk ŋkpɔ eke enye okobonde ke esit esie; koro oto ke uyɔhɔ esit ndien inua etiŋ.

MATTHEW 12:35

Eti owo osioŋo nti ŋkpɔ ke nti ŋkpɔ eke enye okobonde; idiɔk owo ŋko osioŋo mme idiɔk ŋkpɔ ke mme idiɔk ŋkpɔ eke enye okobonde.

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

MME ŊKE 15:7

Mkpɔk-inua mbon eti ibuot esuan ifiɔk: edi esit mbon ndisime inamke ntre.

MME ŊKE 10:21

Mkpɔk-inua owo eti ido ebɔk ediwak owo: edi mbon ndisime ekpaŋa ke unana-ibuot.

MALACHI 3:16

Ndien mme abak Jehovah eneme kiet ye kiet: ndien Jehovah akpaŋ utɔŋ, onyuŋ okop, mmɔ enyuŋ ewet ŋwed eriti ke iso esie enɔ mme abak Jehovah ye mme ekere enyiŋ esie.

MME ŊKE 15:2

Edeme enyene-ibuot owo anam ifiɔk ɔfɔn: edi inua mbon ndisime aŋwaŋa ebiɔ.

ŊWED MME PSALM 129:8

Ndien mmɔ eke esaŋade ebe idɔhɔke, ite, “Yak ufɔn Jehovah osim mbufo: nnyin ida enyiŋ Jehovah ikɔm mbufo.”

ŊWED MME PSALM 119:46

Nyenyuŋ ntiŋ mbaŋa uyo fo ke iso ndidem, but idinyuŋ inamke mi.

RUTH 4:11

Ndien kpukpru mmɔ emi edude ke inua-otop obio, ye mbiowo oro ŋko, edɔhɔ ete, Ih, nnyin idi ntiense. Yak Jehovah anam ŋwan emi odukde ke ufɔk fo etie nte Rachel ye nte Leah, emi edide mmɔ mbiba ekebɔp ufɔk Israel: nyuŋ nam eti ke Ephrathah, nyuŋ wɔrɔ etop ke Beth-lehem:

ŊWED MME PSALM 37:30

Inua eti owo etiŋ ifiɔk, edeme esie onyuŋ ɔdɔhɔ se inende.

RUTH 2:12

Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.

ŊWED MME PSALM 71:17

O Abasi, afo ama eteme mi toto ŋkedi eyenɔwɔŋ: ndien nsiak mme utibe ŋkpɔ fo tutu osim ini emi.

ISAIAH 38:19

Odu-uwem, idem odu-uwem eyekɔm fi, kpa nte ami nnamde mfin: Ete eyesian akpanikɔ fo ɔnɔ nditɔ.

ŊWED JOB 8:10

Nte mmɔ iditemeke fi, idinyuŋ idɔhɔke fi? Nte mmɔ idinyuŋ isioŋoke ikɔ ke esit mmɔ itiŋ?

ŊWED MME PSALM 119:13

Mmada mkpɔk-inua mi mbuk kpukpru ikpe inua fo.