DEUTERONOMY 6:6 - Edisana ñwed Abasi Ibom

⁶ Ndien yak mme ikɔ emi ami ntemede fi mfin emi, edu fi ke esit:

DEUTERONOMY 6:6 Referans Kwoze

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

JEREMIAH 31:33

koro emi edide ediomi eke ndidiomide ye ufɔk Israel, ke mme usen oro ema ebe, Jehovah ɔdɔhɔ: nyesin mmɔ mbet mi ke esit, nnyuŋ ŋwet mmɔ ke ɔwɔŋ esit; nyenyuŋ ndi Abasi mmɔ, ndien mmɔ eyedi ikɔt mi.

MME ŊKE 7:3

Tebe mmɔ dian ke nnuenubɔk fo, wet mmɔ sin ke ɔwɔŋ esit fo.

DEUTERONOMY 11:18

Mbufo eda ndien ikɔ emi esin ke esit mbufo, ye ke ukpɔŋ mbufo, enyuŋ etebe mmɔ edian ke ubɔk mbufo nte idiɔŋɔ, yak mmɔ enyuŋ ena mbufo ke ufɔt enyin ke ŋkpɔ ɔkpɔ-iso.

ŊWED MME PSALM 37:31

Mbet Abasi esie edu enye ke esit; ikpat esie idiwahake.

2 ŊWED CORINTH 3:3

Ana aŋwa-aŋwa ete mbufo edi ŋwed Christ emi nnyin ikamade isaŋa, ŋwed emi mikewetke ke mmɔŋ-ŋwet, edi ewetde ke Spirit Abasi uwem; emi miwetke ke ŋkpɔ-uwet-ŋwed eke edade itiat enam, edi ewet ke ŋkpɔ-uwet-ŋwed eke edide esit owo.

DEUTERONOMY 32:46

ndien enye ɔdɔhɔ mmɔ, ete, Mbufo esin esit mbufo ke kpukpru ikɔ emi ami ntiŋde ke otu mbufo mfin emi, emi mbufo editemede nditɔ mbufo, man ekpeme ndinam kpukpru ikɔ mbet emi.

ŊWED MME PSALM 119:11

Mmada ikɔ fo ndip ke esit mi, man ŋkudue fi.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

LUKE 8:15

Ndien mkpasip emi edukde ke eti isɔŋ edi mmɔ emi ekopde ikɔ emum ekama ke eti esit akpanikɔ, enyuŋ eŋwum mfri ke ime.

MME ŊKE 3:5

Buɔt idem fo ye Jehovah ke ofuri esit fo; ndien kuberi edem ke asian fo.

LUKE 2:51

Ekem Enye asaŋa ye mmɔ ɔsuhɔre edi ke Nasareth, onyuŋ osuk ibuot ɔnɔ mmɔ; edi eka Esie omum kpukpru mme ikɔ oro akama ke esit esie.

ŊWED MME PSALM 119:98

Ibet fo enam mi mfiɔk ŋkpɔ ŋkan mme asua mi: koro enye edide okim ke nsinsi.

ŊWED MME PSALM 40:8

Mmama ndinam se afo amade, O Abasi mi, mbet fo enyuŋ edu mi ke esit.

2 JOHN 1:2

ke ntak akpanikɔ eke oduŋde nnyin ke esit, edinyuŋ odude ye nnyin ke nsinsi.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

2 SAMUEL 22:23

Koro kpukpru ikpe esie edude mi ke iso: ama onyuŋ edi mme ewuhɔ esie, ŋwahake ŋkpɔŋ mmɔ.

DEUTERONOMY 11:20

Nyuŋ wet mmɔ ke obubɔk enyin-usuŋ ufɔk fo, ye ke itim fo:

ŊWED MME PSALM 119:13

Mmada mkpɔk-inua mi mbuk kpukpru ikpe inua fo.

ŊWED MME PSALM 119:30

Mmemek usuŋ akpanikɔ: mmonim mme ikpe fo ke iso mi.