DEUTERONOMY 6:2 - Edisana ñwed Abasi Ibom

² man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

DEUTERONOMY 6:2 Referans Kwoze

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

ECCLESIASTES 12:13

Yak nnyin ikop utit ofuri ŋkpɔ emi: bak Abasi, nyuŋ nim mbet esie: koro emi edi eke kpukpru owo.

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

ŊWED MME PSALM 128:1

ƆFƆFƆN ɔnɔ kpukpru owo eke ebakde Jehovah; eke esaŋade ke usuŋ esie.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

MME ŊKE 3:16

Anyan usen odu enye ke ubɔk nnasia; inyene ye ubɔn edu enye ke ufien.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

1 PETER 1:17

Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

DEUTERONOMY 10:20

Bak Jehovah Abasi fo; nam ŋkpɔ esie, nyuŋ yire ye enye, nyuŋ tomo enyiŋ esie.

LUKE 12:5

Edi nyesian mbufo Enye emi ekpefehede; efehe Enye emi, ke ama owot; onyuŋ enyenede odudu ndiduɔk ke hell: mmɔsɔŋɔ ndɔhɔ mbufo nte, efehe Enye.

MME ŊKE 16:6

Ima ye akpanikɔ esio isop idiɔk ido: uteŋe Jehovah onyuŋ esin owo akabare ɔkpɔŋ idiɔk.

DEUTERONOMY 22:7

ndien da nditɔ ke idem fo; kpaŋ ɔkpɔfɔn fi, mme usen fo ekpenyuŋ ebigi.

DEUTERONOMY 6:7

nyuŋ dɔdiɔŋ siak mmɔ nɔ nditɔ fo, nyuŋ kama mmɔ ke inua fo ke ini afo etiede ke ufɔk fo, ye ini afo asaŋade ke usuŋ, ye ke ini afo anade ke isɔŋ, ye ke ini afo adahade ke enyɔŋ.

DEUTERONOMY 4:10

usen oro afo akadade ke iso Jehovah Abasi fo ke Horeb, ke ini Jehovah ɔkɔdɔhɔde mi, ete, Bon mbio emi ɔtɔ kiet nɔ mi, ndien nyenam mmɔ ekop ikɔ mi, man mmɔ ekpep ndibak mi ofuri ini emi mmɔ edidude uwem ke isɔŋ oro, man mmɔ enyuŋ ekpep nditɔ mmɔ.

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

GENESIS 18:19

enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

DEUTERONOMY 4:9

Edi kpeme idem fo, nyuŋ tim kpeme ukpɔŋ fo, man afo okufre ŋkpɔ emi enyin fo ekekutde, man mmɔ ekunyuŋ ewɔrɔ ke esit fo, ofuri ini uwem fo: ndien da mmɔ kpep nditɔ fo, ye nditɔ nditɔ fo:

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 11:9

man mme usen mbufo enyuŋ ebigi ke isɔŋ emi Jehovah ɔkɔŋwɔŋɔde ɔnɔ mme ete mbufo, ete inɔ mmɔ ye nditɔ mmɔ, kpa isɔŋ emi ɔfiɔrɔde mmɔŋ-eba ye aran-ɔkwɔk.

ŊWED MME PSALM 91:16

Nyeda ediwak usen nyuhɔ enye, nnyuŋ ŋwut enye erinyaŋa mi.

EZEKIEL 20:19

Ami Jehovah ndi Abasi mbufo; mbufo esaŋa ke mme ewuhɔ mi, enyuŋ enim mme item mi, enyuŋ enam mmɔ;

DEUTERONOMY 6:24

Jehovah onyuŋ eteme nnyin ndinim kpukpru mme ewuhɔ esie, man nnyin ibak Jehovah Abasi nnyin, man ɔfɔn ye nnyin kpukpru ini, man enye onim nnyin ke uwem, kpa nte edide mfin emi.

DEUTERONOMY 15:5

edieke afo edikopde uyo Jehovah abasi fo, onyuŋ ekpemede ndinim kpukpru mbet emi ami mbetde fi mfin emi.

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

JOSHUA 4:24

Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

1 NDIDEM 8:40

kpaŋ mmɔ ekpebak fi kpukpru usen eke mmɔ edidude ke iso isɔŋ emi afo ɔkɔnɔde mme ete nnyin.

MME ŊKE 9:11

Koro oto mi usen fo eyewak, eyenyuŋ edian isua uwem enɔ fi.

JEREMIAH 32:39

nyenyuŋ nnɔ mmɔ esit kiet ye usuŋ kiet, man ebak mi kpukpru ini, man ɔfɔn ye mmɔ ye nditɔ mmɔ emi editienede mmɔ ke edem.