DEUTERONOMY 6:10 - Edisana ñwed Abasi Ibom

¹⁰ Ndien ama ekem ke Jehovah Abasi fo edidade fi oduk ke isɔŋ emi enye ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ fi ikpɔ ye nti obio, eke mikedige afo ɔbɔp,

DEUTERONOMY 6:10 Referans Kwoze

JOSHUA 24:13

Ndien mma nnɔ mbufo isɔŋ eke mbufo mikanamke utom ke esit, ye obio eke mikɔbɔpke, ndien mbufo eduŋ ke esit: mbufo edia iŋwaŋ vine ye olive eke mikedige mbufo etɔ.

ŊWED MME PSALM 105:44

onyuŋ ɔnɔ mmɔ isɔŋ mme idut; ndien mmɔ eda utom mme obio enyene:

NEHEMIAH 9:25

Ndien mmɔ eda obio ibibene ekɔŋ, ye isɔŋ isek, enyuŋ enyene ufɔk emi kpukpru oruk nti ŋkpɔ eyɔhɔde ke esit, obube mmɔŋ emi eketibide, ye iŋwaŋ-vine, ye iŋwaŋ-olive, ye ediwak eto mfri eke ediade. Ndien mmɔ edia eyuhɔ, enyuŋ ekponi, enyuŋ edat esit ke akwa mfɔn fo.

ŊWED MME PSALM 78:55

Ndien enye ebin mme idut ke iso mmɔ efep, onyuŋ ada uruk edeme udeme ɔnɔ mmɔ, ndien anam mme esien Israel eduŋ ke mme tent mmɔ.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

GENESIS 28:13

Ndien, sese, Jehovah adada ke enyɔŋ, ete, Ami ndi Jehovah Abasi Abraham usɔ, ye Abasi Isaac nde: nda isɔŋ emi afo anade ke esit nnɔ fi ye ubon fo.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.

DEUTERONOMY 19:1

ADAŊEMI Jehovah Abasi fo edisibede mme idut emi Jehovah Abasi fo ɔnɔde fi isɔŋ mmɔ, efep, afo edinyuŋ ɔbɔde mmɔ itie, onyuŋ oduŋ ke mme obio mmɔ, ye ke ufɔk mmɔ:

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 6:18

Nyuŋ nam se inende inyuŋ ifɔnde ke iso Jehovah: man ɔfɔn ye afo, man afo onyuŋ oduk ekenyene eti isɔŋ emi Jehovah ɔkɔŋwɔŋɔde ɔnɔ mme usɔ.

DEUTERONOMY 6:23

ntem ke enye okosioŋo nnyin do, man ada nnyin oduk, onyuŋ ɔnɔ nnyin isɔŋ emi enye ɔkɔŋwɔŋɔde ɔnɔ mme ete nnyin.

DEUTERONOMY 8:12

Mbak afo edidia ŋkpɔ ɔyuhɔ, onyuŋ ɔbɔp ndiye ufɔk oduŋ ke esit;