DEUTERONOMY 5:12 - Edisana ñwed Abasi Ibom

¹² Kpeme usen sabbath, nyuŋ nim enye ke edisana, kpa nte Jehovah Abasi fo okowukde fi.

DEUTERONOMY 5:12 Referans Kwoze

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

ISAIAH 56:6

Ndien ama edi nditɔ isen owo ŋko emi ediande idem ye Jehovah, enyuŋ enamde ŋkpɔ esie, enyuŋ emade enyiŋ Jehovah, enyuŋ edide ikɔt esie: kpukpru mmɔ eke enimde sabbath, mbak edibiat enye, enyuŋ emumde ediomi mi ekama:

MARK 2:27

Ndien Jesus ɔdɔhɔ mmɔ ete, Ekanam usen sabbath enɔ owo, inamke owo inɔ usen sabbath;

EXODUS 16:23

Ndien enye ɔdɔhɔ ete, Emi ke Jehovah ɔkɔdɔhɔ ete, Mkpɔŋ edi nduɔk-odudu edisana sabath Jehovah: mbufo esaŋ se eyomde ndisaŋ, enyuŋ etem se eyomde nditem; ndien eda ofuri nsuhɔ enim enɔ idem mbufo ekpeme tutu eyo esiere.

EXODUS 31:13

Afo nyuŋ dɔhɔ nditɔ Israel ete, Mbufo etim enim sabath mi: koro enye edidi idiɔŋɔ ke ufɔt mi ye mbufo ke ofuri emana mbufo; man mbufo efiɔk ete ke edi ami Jehovah nnim mbufo ke edisana.

EXODUS 31:15

Yak enam utom ke usen itiokiet; edi ɔyɔhɔ usen itiaba edi akakan sabbath, edisana usen Jehovah kpukpru owo eke enamde ubɔk-utom ke usen sabath, iditreke ndikpa mkpa.

DEUTERONOMY 5:13

Nam ŋkpɔ ke usen itiokiet, nyuŋ nam ofuri utom fo:

NEHEMIAH 13:15

Ke ini oro ŋkut usuk owo ke Judah nte edigide ebiet-udigi wine, ke sabbath, enyuŋ ebiomde ebek, enyuŋ edoride ŋkpɔ ke edem ass, ebiom wine ŋko, ye grape, ye fig, ye kpukpru oruk mbiomo, nte enyuŋ edade mmɔ eduk ke Jerusalem ke usen sabbath: ndien nsua nnɔ mmɔ ke usen oro mmɔ enyamde ŋkpɔ udia.

JEREMIAH 17:22

mbufo ekunyuŋ esio baba mbiomo kiet ke ufɔk mbufo ke usen sabbath, ekunyuŋ enam baba ubɔk utom kiet: enyɔŋ enim usen sabbath ke edisana, kpa nte ŋkowukde mme ete mbufo.

EXODUS 16:30

Ntre ke mmɔ eduɔk ododu ke ɔyɔhɔ usen itiaba.