DEUTERONOMY 4:19 - Edisana ñwed Abasi Ibom

¹⁹ mbak afo edinyuŋ emenere enyin fo ese enyɔŋ, onyuŋ okut utin, ye ɔfiɔŋ, ye ntantafiɔŋ, kpa ofuri udim enyɔŋ, ndien enuk fi awaha akatuak ibuot ɔnɔ mmɔ, onyuŋ anam ŋkpɔ ɔnɔ mmɔ emi Jehovah Abasi fo ama ekedeme ɔnɔ kpukpru mme idut ke idak enyɔŋ.

DEUTERONOMY 4:19 Referans Kwoze

ŊWED MBON ROME 1:25

sia mmɔ ekpuhɔde akpanikɔ Abasi ebɔ nsu, enyuŋ ekponode se ebotde, enyuŋ enamde ŋkpɔ enɔ enye, etre ndikpono Enye emi edide Andibot, emi enyenede itoro ke nsinsi. Amen.

DEUTERONOMY 17:3

eke onyuŋ akade okonim ido mme abasi efen, onyuŋ ɔnuhɔ ɔnɔ mmɔ, edide utin, onyuŋ edide ɔfiɔŋ mme eke udim enyɔŋ ekededi, eke ami ŋkpande;

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

GENESIS 2:1

EKEM enam enyɔŋ ye isɔŋ, ye kpukpru udim mmɔ ema.

NEHEMIAH 9:6

Afo edi enye, O Jehovah, afo ikpɔŋ: edi afo akanam ikpa-enyɔŋ, ye ata enyɔŋ, ye kpukpru udim mmɔ, ye isɔŋ, ye kpukpru se idude ke esit, ye inyaŋ ye kpukpru se idude ke esit, afo onyuŋ onim kpukpru mmɔ uwem; udim enyɔŋ enyuŋ etuak ibuot enɔ fi.

UTOM MME APOSTLE 7:42

Edi Abasi ɔwɔŋɔre ɔkpɔŋ mmɔ, onyuŋ asana mmɔ ayak ete, enam ŋkpɔ enɔ udim enyɔŋ: kpa nte ewetde ke ŋwed mme prophet, ete, Nte mbufo ekeda unam eke ewotde ye uwa esɔk Mi Ke isua aba ke desert, O ufɔk Israel?

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

JEREMIAH 8:2

enyuŋ esuan mmɔ enɔ utin ye ɔfiɔŋ, ye ofuri udim enyɔŋ, emi mmɔ emade, emi mmɔ enyuŋ enamde ŋkpɔ enɔ mmɔ, emi mmɔ enyuŋ etienede, enyuŋ ebupde mmɔ ŋkpɔ, enyuŋ etuakde ibuot enɔ mmɔ: iditaŋke mmɔ, idinyuŋ ibukke mmɔ ke isɔŋ; mmɔ eyekabare edi ifum ke iso isɔŋ.

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

EZEKIEL 8:16

Ndien enye ada mi oduk ke esit esa okure ufɔk Jehovah, ndien, sese, ubɔk owo edip ye ition ke enyin-usuŋ temple Jehovah eda ke ufɔt etehe ye itie-uwa, ekpa edem enɔ temple Jehovah, iso mmɔ enyuŋ ese edem usiaha-utin: ndien mmɔ etuak ibuot enɔ utin ese edem usiaha-utin.

JEREMIAH 33:25

Ntem ke Jehovah ɔdɔhɔ, ete, Edieke ediomi mi miduhe ye uwemeyo ye okoneyo, edieke mmennimke mme ewuhɔ enyɔŋ ye isɔŋ ŋko;

JEREMIAH 31:35

Ntem ke Jehovah emi onimde utin ke uŋwana ke uwemeyo, ye ewukde ɔfiɔŋ ye ntantafiɔŋ ke uŋwana ke okoneyo, emi osukde odut inyaŋ, ke ini enye adahade, Jehovah mme udim edi enyiŋ esie, ɔdɔhɔ ete,

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

2 NDIDEM 23:11

Enye onyuŋ osobo mme horse oro ndidem Judah ekedade enɔ utin ke ebiet emi edukde ke ufɔk Jehovah, ekpere ubet Nathan-melech eunuch emi odude ke okure: enye onyuŋ ɔfɔp mme chariot utin ke ikaŋ.

DEUTERONOMY 4:18

mbiet ŋkpɔ ekededi eke ɔnyɔnide ke isɔŋ, ye mbiet iyak ekededi eke odude ke mmɔŋ ke idak isɔŋ:

DEUTERONOMY 13:5

Ndien prophet oro, mme adaba ndap oro enyene ndikpa: koro enye ɔdɔhɔde, ete mbufo ekabare ekpɔŋ Jehovah Abasi mbufo emi okosiode mbufo ke isɔŋ Egypt, okonyuŋ afakde fi osio ke ufɔk ufin, ete inuk fi ifep ke usuŋ emi Jehovah Abasi fo etemede fi ete asaŋa ke esit. Ntem ke afo edinam idiɔk-ŋkpɔ oro okure ke otu fo.

DEUTERONOMY 13:10

Nyuŋ tɔŋɔ enye ke itiat wot: koro enye okoyomde ndinuk fi mfep ŋkpɔŋ Jehovah Abasi fo, emi okosiode fi ke isɔŋ Egypt, ye ke ufɔk ufin efep.

EZEKIEL 18:6

ndien midiaha ŋkpɔ ke ikpɔ obot, minyuŋ imenekede enyin esie ise ibɔk ufɔk Israel, minyuŋ isabakede ŋwan mbɔhiduŋ esie, minyuŋ itieneke ŋwan eke odude ke esien;

GENESIS 1:14

Ndien Abasi ɔdɔhɔ ete, Yak mme uŋwana edu ke ikpa-enyɔŋ heaven man edianare uwemeyo ye okoneyo; yak enyuŋ edi nte mme idiɔŋɔ, ye nte ini, ye nte usen, ye nte isua.

2 CHRONICLES 33:3

Ndien enye ɔtɔŋɔ ntak ɔbɔp mme edikoŋ ebiet oro Hezekiah ete esie okowuride, onyuŋ ɔdiɔŋ itie-uwa ɔnɔ Baalim, onyuŋ anam mbiet Asheroth, onyuŋ atuak ibuot ɔnɔ ofuri udim enyɔŋ, onyuŋ anam ŋkpɔ mmɔ.

ŊWED MME PSALM 19:3

Nneme iduhe, ikɔ inyuŋ iduhe, inyuŋ ikopke uyo mmɔ baba.