DEUTERONOMY 4:12 - Edisana ñwed Abasi Ibom

¹² Ndien Jehovah etie ke esit ikaŋ ɔdɔhɔ ye mbufo: mbufo ekekop uyo ikɔ edi ikwe mbiet ŋkpɔ: ke mibɔhɔke uyo-uyo.

DEUTERONOMY 4:12 Referans Kwoze

DEUTERONOMY 5:22

Jehovah etie ke obot ke ufɔt ikaŋ ye nsuŋikaŋ, ye ekim, etiŋ ikɔ emi ɔnɔ ofuri esop mbufo ke ɔkpɔsɔŋ uyo: inyuŋ idianke efen. Ndien enye ewet mmɔ esin ke itiat-ŋwed iba, ada mmɔ ɔnɔ mi.

DEUTERONOMY 5:4

Jehovah etie ke obot oro ke ufɔt ikaŋ, ɔdɔhɔ ikɔ ye mbufo iso ye iso

DEUTERONOMY 4:15

Mbufo etim ndien ekpeme idem mbufo eti-eti: koro mbufo mikekwe baba mbiet ŋkpɔ kiet ke usen oro Jehovah eketiede ke ufɔt ikaŋ oro ɔdɔhɔ ye mbufo ke Horeb:

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

DEUTERONOMY 4:36

Enye eketie ke heaven anam fi okop uyo esie, man ekpep fi: enye onyuŋ owut fi akwa ikaŋ esie ke isɔŋ: afo ama onyuŋ okop ikɔ esie emi otode ke ufɔt ikaŋ.

DEUTERONOMY 4:33

Nte owo akananam okop uyo Abasi nte ɔdɔhɔde ke esit ikaŋ, kpa nte afo okokopde, ndien odu uwem?

ŊWED MBON COLOSSAE 1:15

Enye edi mbiet Abasi emi enyin owo mikwe; Abasi okobon Enye ete edi Akpan, ndien edibot ofuri ererimbot.

MATTHEW 3:3

Emi edi owo emi prophet Isaiah eketiŋde abaŋa enye, ete, Uyo andifiori ke desert, ete, Mbufo ediɔŋ usuŋ Jehovah, eneŋere ɔkpɔusuŋ Esie.

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 40:6

Uyo ɔdɔhɔ, ete, Fiori, Ndien owo ɔdɔhɔ, ete Nso ke ndifiori? Ofuri obukidem edi mbiet, ofuri mfɔn esie onyuŋ ebiet ediye ikɔŋ ikɔt: mbiet amasat,

ISAIAH 40:3

Kop! uyo andifiori ke wilderness, ete, Mbufo ediɔŋ usuŋ Jehovah, emenere ɔkpɔ-usuŋ enɔ Abasi nnyin ke desert.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

EXODUS 20:22

Ndien Jehovah ɔdɔhɔ Moses, ete, Ntem ke afo edidɔhɔ nditɔ Israel, ete, Mbufo emekut nte ami ntiede ke enyɔŋ ndɔhɔ ye mbufo.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

NUMBERS 12:8

Nneme ye enye ke inua ke inua; ke atatai, idige ke ŋke ikɔ; enye eyenyuŋ okut mbiet Jehovah: mbufo enam naŋa didie mifeheke ndisuk owo mi Moses uyo?

MME HEBREW 12:19

eke mme andikop ekpede ubɔk ete, ekutiŋ aba enɔ mme imɔ:

EXODUS 19:9

Ndien Jehovah ɔdɔhɔ Moses, ete, Sese ami mmɔŋ ntiene fi ke obubit enyɔŋ, man kpukpru owo ekop ke ini ndidɔhɔde ye afo, enyuŋ enim uyo fo ke akpanikɔ ke nsinsi. Moses onyuŋ emen ikɔ kpukpru owo eketiŋ ɔnɔ Jehovah.

DEUTERONOMY 4:11

Ndien mbufo esaŋa ekpere eketuak eda ke usuhɔre obot; ndien obot oro asak ikaŋ, osim ufɔt ikpa-enyɔŋ, ekim, obubit enyɔŋ, ye ata Ɔkpɔsɔŋ ekim enyuŋ edu.

DEUTERONOMY 4:13

Ndien enye asiak ediomi esie ɔnɔ mbufo, emi enye etemede mbufo ete enam, kpa ikɔ mboduop oro: enye onyuŋ ewet mmɔ esin ke itiat ŋwed iba.

DEUTERONOMY 9:10

ndien Jehovah ɔnɔ mi itiat-ŋwed iba emi nnuen-ubɔk Abasi ekewetde; ndien kpukpru ikɔ oro Jehovah eketiede ke ufɔt ikaŋ ɔdɔhɔ ye mbufo ke usen esop oro, edu mmɔ ke esit.

DEUTERONOMY 10:4

Ndien enye ada itiat-ŋwed oro ewet kpasuk akpa ŋwed, ikɔ duop oro Jehovah eketiede ke obot ke ufɔt ikaŋ ɔdɔhɔ mbufo ke usen esop: ndien Jehovah emen mmɔ ɔnɔ mi.