DEUTERONOMY 4:1 - Edisana ñwed Abasi Ibom

¹ O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:1 Referans Kwoze

ŊWED MBON ROME 10:5

Koro Moses ewet ete, Owo eke anamde edinen ido ibet edida oro odu uwem.

DEUTERONOMY 8:1

MBUFO etiŋ enyin enim kpukpru mme ewuhɔ emi ami ŋwukde fi mfin emi, man mbufo edu uwem, enyuŋ etɔt, enyuŋ eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo.

EZEKIEL 20:11

Nnyuŋ nnɔ mmɔ mme ewuhɔ mi; nnyuŋ ŋwut mmɔ mme item mi, emi owo ama anam mmɔ, owo eyedu uwem ke esit.

LEVITICUS 18:5

Mbufo enim ndien mme ewuhɔ mi ye item mi: emi owo eke edinamde mmɔ edidude uwem ke esit: ami ndi Jehovah.

DEUTERONOMY 30:16

koro ami ŋwukde fi mfin emi, nte ama Jehovah Abasi fo, onyuŋ asaŋa ke usuŋ esie, onyuŋ onim mbet esie, ye mme ewuhɔ esie, ye mme item esie man afo odu uwem onyuŋ ɔtɔt: man Jehovah Abasi fo onyuŋ ɔdiɔŋ fi ke isɔŋ emi afo akade do ndida enye nnyene.

DEUTERONOMY 5:33

Mbufo esaŋa ke kpukpru usuŋ emi Jehovah Abasi mbufo okowukde mbufo, man edu uwem, man onyuŋ ɔfɔn mbufo, man mme usen mbufo enyuŋ ebigi ke isɔŋ emi mbufo edidade enyene.

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

LEVITICUS 22:31

Mbufo enim ndien mme ewuhɔ mi, enyuŋ enam mmɔ: ami ndi Jehovah.

LEVITICUS 19:37

Mbufo enim ndien kpukpru mme ewuhɔ mi, ye kpukpru item mi, enyuŋ enam mmɔ: ami ndi Jehovah.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

EZEKIEL 37:24

Owo mi David eyenyuŋ edi edidem mmɔ; kpukpru mmɔ eyenyuŋ enyene ɔbɔk-erɔŋ kierakiet: ndien mmɔ eyesaŋa ke mme item mi, enyuŋ ekpeme mme ewuhɔ mi, enyuŋ enam mmɔ.

EZEKIEL 36:27

Nyenyuŋ nda spirit mi nsin mbufo ke idem, nnyuŋ nnam mbufo esaŋa ke mme ewuhɔ mi, enyuŋ ekpeme ikpe mi enyuŋ enam.

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

EZEKIEL 11:20

man mmɔ esaŋa ke mme ewuhɔ mi, enyuŋ enim mbet mi, enyuŋ enam mmɔ: ndien mmɔ eyekabare edi ikɔt mi, ami nyenyuŋ ndi Abasi mmɔ.

ŊWED MME PSALM 119:4

Afo omowuk ete etim enim item fo eti-eti.

ŊWED MME PSALM 105:45

kpaŋ mmɔ ekpenim mme ewuhɔ esie, enyuŋ ekpe, mbet esie. Mbufo etoro Jehovah.

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

DEUTERONOMY 16:20

Tim tiene se inende nen, man afo odu uwem, onyuŋ ada isɔŋ emi Jehovah Abasi fo ɔnɔde fi enyene.

DEUTERONOMY 11:32

Mbufo ekpeme ndien, ndinim kpukpru mme ewuhɔ, ye mme item emi ami nnimde ke iso mbufo mfin emi.

DEUTERONOMY 11:1

MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 4:45

mme mmɔ emi edi ikɔ ntiense, ye mme ewuhɔ, ye mme item, emi Moses eketiŋde ɔnɔ nditɔ Israel, ke mmɔ ema eketo ke Egypt ewɔrɔ;

DEUTERONOMY 4:8

Ndien ewe akamba idut odu emi enyenede edinen ewuhɔ ye item, ebiet ofuri ŋwed mbet emi ami nnimde ke iso mbufo mfin emi?

LEVITICUS 20:8

Mbufo enyuŋ enim mme ewuhɔ mi, enyuŋ enam mmɔ: edi ami Jehovah nnam mbufo esana.

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

LUKE 1:6

Mmɔ mbiba enyuŋ edi edinen ke enyin Abasi, esaŋa ke kpukpru mbet ye mme ewuhɔ Jehovah, enana ndo.

EXODUS 18:20

nyuŋ teme mmɔ mme ewuhɔ esie ye mbet, nyuŋ sian mmɔ usuŋ eke mmɔ ekpesaŋde ke esit, ye utom eke mmɔ ekpenamde.

DEUTERONOMY 1:3

Edikem ke ɔyɔhɔ isua aba, ke ɔyɔhɔ ɔfiɔŋ duopekiet, ke akpa usen ɔfiɔŋ, Moses ɔdɔhɔ nditɔ Israel, nte ekemde ye kpukpru se Jehovah eketemede enye abaŋa mmɔ;

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 30:20

man afo ama Jehovah Abasi fo onyuŋ okop uyo esie, onyuŋ eyire ye enye: koro enye edide uwem fo, ye uniɔŋ mme usen fo: man afo oduŋ ke isɔŋ emi Jehovah ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ mmɔ.

LEVITICUS 19:19

Mbufo enim mme ewuhɔ mi. Kuyak oruk ufene fo efen edoro oruk eken: kubuak uduot usuan ke iŋwaŋ fo: kunyuŋ usine mbuaha ɔfɔŋidem eke enamde ke linen ye idet erɔŋ.

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 6:24

Jehovah onyuŋ eteme nnyin ndinim kpukpru mme ewuhɔ esie, man nnyin ibak Jehovah Abasi nnyin, man ɔfɔn ye nnyin kpukpru ini, man enye onim nnyin ke uwem, kpa nte edide mfin emi.

DEUTERONOMY 7:11

Nim ndien mbet, ye mme ewuhɔ ye mme item, emi ami ntemede fi mfin emi, man afo anam mmɔ.

DEUTERONOMY 8:11

Tiŋ enyin mbak afo edifre Jehovah Abasi fo, ke eritre ndinim mbet esie, ye mme item esie, ye mme ewuhɔ esie emi ami ŋwukde fi mfin emi.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.

DEUTERONOMY 13:1

KE adaŋemi prophet, mme adaba ndap, edidahade ida ke otu fo, inyuŋ iwut fi idiɔŋɔ mme utibe ŋkpɔ,

JOSHUA 3:9

Ndien Joshua ɔdɔhɔ nditɔ Israel, ete, Mbufo esaŋa ekpere ken enyuŋ ekop uyo Jehovah Abasi mbufo.

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.