DEUTERONOMY 34:1 - Edisana ñwed Abasi Ibom

¹ EKEM Moses oto ke una-isɔŋ Moab aka ɔkɔdɔk obot Nebo, aka ibuot Pisgah emi asakde iso ese Jericho. Ndien Jehovah owut enye ofuri isɔŋ Gilead, tutu osim ke Dan,

DEUTERONOMY 34:1 Referans Kwoze

ERIYARARE 21:10

Ndien enye emen mi ke Spirit adaha aka ke akwa edikoŋ obot, onyuŋ owut mi Jerusalem, edisana obio, emi otode Abasi ɔsuhɔre ke heaven edi, emi enyenede ubɔŋ Abasi:

EZEKIEL 40:2

Enye ada mi ke ŋkukut Abasi edi ke isɔŋ Israel, onyuŋ onim mi ke enyɔŋ ata edikoŋ obot kiet, ndien se ibietde obio eke ebɔpde odoro enye ke enyɔŋ, ke edem usuk usuk.

JOSHUA 19:47

Ndien adaŋa nditɔ Dan ɔwɔrɔ ɔkpɔŋ mmɔ: ndien nditɔ Dan edɔk ekeŋwana ekɔŋ ye Leshem, enyuŋ eda enye, enyuŋ esuan mmɔ ke iso ofut, ndien eda enye enyene, enyuŋ eduŋ ke esit, enyuŋ eda enyiŋ Dan ete mmɔ esio Leshem, ekot, ete, Dan.

DEUTERONOMY 32:49

Dɔk ke obot Abarim emi, kpa obot Nebo, emi odude ke isɔŋ Moab, emi asakde iso ese Jericho; ndien se isɔŋ Canaan, emi ami nnɔde nditɔ Israel nte eda enyene;

NUMBERS 27:12

Ekem Jehovah ɔdɔhɔ Moses, ete, Dɔk ke obot Abarim emi, nyuŋ se isɔŋ emi nnɔde nditɔ Israel.

JUDGES 18:29

Ndien mmɔ eda enyiŋ Dan ete mmɔ emi akamanade ɔnɔ Israel, esio obio oro, ekot enye, ete, Dan; edi enyiŋ obio oro ekebem iso ekere Laish.

DEUTERONOMY 34:4

Ndien Jehovah ɔdɔhɔ enye, ete, Emi edi isɔŋ emi ŋkɔŋwɔŋɔde nnɔ Abraham, ye Isaac, ye Jacob, nte, Nyeda enye nnɔ ubon fo: mmayak fi okut ke enyin, edi udubehe uka do.

DEUTERONOMY 32:52

Koro afo eyekut isɔŋ oro ko; edi udukaha do ukoduk ke isɔŋ emi ami nnɔde nditɔ Israel.

DEUTERONOMY 3:27

Dɔk ke ibuot Pisgah, nyuŋ menere enyin fo se nnasia, ye edere, ye usuk, ye ufien nyuŋ da enyin-enyin se enye: koro mudubehe Jordan emi.

NUMBERS 33:47

Ekem mmɔ edaŋa ke Almon-diblathaim, eka ekena ke obot Abarim, ke iso Nebo.

NUMBERS 21:20

Ndien mmɔ edaŋa ke Bamoth ekesim ke itihere emi odude ke isɔŋ Moab ese ibuot Pisgah, onyuŋ ese edem wilderness.

GENESIS 14:14

Ekem, Abram okop ete ke ekemum eyen ete imɔ enyɔŋɔ, ndien enye osio nditɔ ufɔk esie, emi enye ekekpepde mmɔ ekɔŋ, owo ikie ita ye efureta, ekebine tutu osim ke Dan.

GENESIS 13:14

Ndien Jehovah ɔdɔhɔ Abram, ke Lot ama akadianare ye enye, ete, Kam menere enyin fo nyuŋ tɔŋɔ ke ebiet emi afo odude nyuŋ se edere, ye usuk, ye ufien,

NUMBERS 23:14

Ndien enye ada enye aka iŋwaŋ Zophim, ke enyɔŋ ibuot Pisgah, ndien anam itie-uwa itiaba, onyuŋ awa enaŋ kiet, ye okukim kiet, ke itie uwa kiet kiet.

JOSHUA 22:9

Ndien nditɔ Reuben, ye nditɔ Gad, ye ubak esien Manasseh, enyɔŋɔ ekpɔŋ nditɔ Israel ke Shiloh, emi odude ke isɔŋ Canaan, enyuŋ eka ke isɔŋ Gilead, ke isɔŋ udeme mmɔ emi mmɔ ekedade ke uyo Jehovah, ke ubɔk Moses.