DEUTERONOMY 32:7 - Edisana ñwed Abasi Ibom

⁷ Ti mme usen eset, mbufo ekere isua eyo oko: bup usɔ, ndien enye eyetiŋ ɔnɔ fi; bup mbiowo fo, ndien mmɔ eyedɔhɔ fi.

DEUTERONOMY 32:7 Referans Kwoze

ŊWED MME PSALM 44:1

O ABASI, nnyin imokop ke utɔŋ nnyin, mme ete nnyin ekemen ŋkpɔ oro afo akanamde ke ini mmɔ, ke ini eset, etiŋ enɔ nnyin.

ISAIAH 46:9

Mbufo eti akpa ŋkpɔ ke eset; koro ami ndide Abasi, efen minyuŋ iduhe; ndi Abasi, ndien baba kiet eke ebietde mi iduhe.

DEUTERONOMY 4:32

Mbɔk, kam bup ini eset, emi ekebemde fi iso, tɔtɔŋɔ ke usen oro Abasi okobotde owo ke ererimbot, nyuŋ tɔŋɔ ke utit enyɔŋ kiet, tutu osim ke utit eken, mme oruk akamba ŋkpɔ emi ama osu, mme ekam esikokop ebaŋa oruk ŋkpɔ emi?

ISAIAH 63:11

Ndien enye eti eyo oko, Moses, ye ikɔt esie: “Enye emi akadade mmɔ ye ɔbɔk-ufene esie ke inyaŋ ɔdɔk, odu mmɔŋ? Enye emi ekesinde enye Edisana Spirit esie ke idem, odu mmɔŋ?

EXODUS 13:14

Ndien ama ekem, adaŋemi eyen fo edibupde fi ke ini iso, ete, Emi edi nso? ndien, dɔhɔ enye, ete, Jehovah akada ɔkpɔsɔŋ ubɔk osioŋo nnyin ke Egypt, ke ufɔk ufin;

JUDGES 6:13

Ndien Gideon ɔdɔhɔ enye, ete, O Ɔbɔŋ mi, edieke Jehovah odude ye nnyin, anam didie, ndien, kpukpru ŋkpɔ emi enam nnyin? Enye ŋko kpukpru mme utibe ŋkpɔ esie oro mme ete nnyin ekebukde enɔ nnyin, ete, Nte Jehovah ikadaha nnyin ke Egypt idɔk? Edi ke emi Jehovah ɔmɔkpɔŋ nnyin, onyuŋ ayak nnyin esin ke ubɔk Midian.

ŊWED MME PSALM 119:52

Mmeti mme ikpe fo eke eset, O Jehovah; nnyuŋ ŋkop ndɔŋ-esit.

ŊWED MME PSALM 77:8

Nte ima esie amakpa ama ke nsinsi?

ŊWED MME PSALM 10:6

Enye ɔdɔhɔ ke esit esiemɔ, ete, Ndisehekede; ke ofuri emana ami ndi owo emi mididuhe ke idiɔk.

EXODUS 12:26

Ndien ama ekem, ke ini nditɔ mbufo edibupde mbufo, ete, Mbufo enam utom emi ebaŋa nso?

ŊWED MME PSALM 78:5

Ndien enye okowuk ewuhɔ ke Jacob, onyuŋ onim mbet ke Israel, eke enye eketemede mme ete nnyin, ete mmɔ eda eteme nditɔ mmɔ.

DEUTERONOMY 8:2

Nyuŋ ti ofuri usuŋ emi Jehovah Abasi fo akadade fi asaŋa ke ofuri isua aba emi ke wilderness, man enye anam fi osuk idem, onyuŋ odomo fi ete, ifiɔk se idude fi ke esit, mme afo eyetiŋ enyin ke mme ewuhɔ imɔ, mme udutiŋke.

ŊWED MME PSALM 44:2

Afo, kpa ubɔk fo, ekebin mme idut, ndien ada mmɔ (mme ete) ɔtɔ; afo akanuak mme obio oro edi anam mmɔ eken etɔt: