DEUTERONOMY 27:1 - Edisana ñwed Abasi Ibom

¹ NDIEN Moses ye mbiowo Israel ewuk kpukpru owo, ete, Mbufo enim kpukpru mme ewuhɔ emi ami ŋwukde mbufo mfin emi.

DEUTERONOMY 27:1 Referans Kwoze

JOHN 15:14

Mbufo edi mme ufan Mi edieke mbufo enamde ŋkpɔ eke ntemede mbufo.

JAMES 2:10

Koro owo ekededi eke edinimde ofuri ibet, edi eduede ke nde kiet kpɔt, amakabare edue isop ke ofuri ibet.

LUKE 11:28

Edi Enye ete, Akam ɔfɔn akan ye mmɔ emi ekopde ikɔ Abasi, enyuŋ ekpemede ndinam.

DEUTERONOMY 26:16

Ke mfin emi ke Jehovah Abasi fo owuk fi ete anam mme ewuhɔ emi ye mme item emi: kpeme mmɔ, ndien, nyuŋ nam mmɔ ke ofuri esit fo, ye ke ofuri ukpɔŋ fo.

DEUTERONOMY 11:32

Mbufo ekpeme ndien, ndinim kpukpru mme ewuhɔ, ye mme item emi ami nnimde ke iso mbufo mfin emi.

DEUTERONOMY 26:19

ke imɔ iyenyuŋ ifori fi ikan kpukpru mme idut eke imɔ ikanamde, man afo edi itoro, ye enyiŋ, ye ubɔŋ ɔnɔ imɔ man afo onyuŋ edi edisana ikɔt Jehovah Abasi fo, kpa nte enye ɔkɔdɔhɔde.

DEUTERONOMY 27:2

Ndien ama ekem ke usen emi mbufo edibede Jordan eduk ke isɔŋ emi Jehovah Abasi fo ɔnɔde fi, wuk ikpɔ itiat ke idem fo, nyuŋ top mmɔ ndom:

ŊWED MME PSALM 78:7

Kpaŋ mmɔ ekpebuɔt idem-mmɔ ye Abasi, ekunyuŋ efre se Abasi anamde, edi enim mbet esie:

DEUTERONOMY 1:1

MME ikɔ emi ke Moses ɔkɔdɔhɔ ye ofuri Israel ke edem Jordan oko ke wilderness, ke itihere emi asakde iso ese Suph, ke ufɔt Paran, ye Tophel, ye Laban, ye Hazeroth, ye Dizahab.

DEUTERONOMY 6:17

Mbufo etim enim mbet Jehovah Abasi mbufo, ye mme item esie, ye mme ewuhɔ esie, emi enye okowukde fi.

1 CHRONICLES 28:8

Mbufo ekpeme, ndien, enyuŋ eyom kpukpru mbet Jehovah Abasi mbufo, ke enyin ofuri Israel, esop Jehovah, ye ke utɔŋ Abasi nnyin; man mbufo enyene eti isɔŋ emi, enyuŋ eda enye enɔ nditɔ mbufo eke editienede mbufo ke edem, edia ke nsinsi.