DEUTERONOMY 26:8 - Edisana ñwed Abasi Ibom

⁸ ndien Jehovah ada ɔkpɔsɔŋ ubɔk, ye edimenere ubɔk, ye akamba ndik, ye mme idiɔŋɔ, ye utibe ŋkpɔ, osio nnyin ke Egypt;

DEUTERONOMY 26:8 Referans Kwoze

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

DEUTERONOMY 5:15

Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.

EXODUS 13:3

Ndien Moses ɔdɔhɔ kpukpru owo, ete, Mbufo eti usen emi mbufo ewɔŋɔde ke Egypt, ke ufɔk ufin; koro Jehovah adade ɔkpɔsɔŋ ubɔk osio mbufo ke ebiet emi: mbufo ekudia baba se leaven odude ke esit.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:37

Ekem nditɔ Israel edaŋa ke Rameses eka Succoth, esim tɔsin irenowo ke itie ikie itiokiet, emi esaŋade ke ikpat, ibatke nditɔwɔŋ.

ISAIAH 63:12

Emi akadade nnasia Moses, ye ubɔk ubɔŋ esiemɔ, eteme mmɔ usuŋ, asiak mmɔŋ ke iso mmɔ, man anam nsisni enyiŋ ɔnɔ idem esie;

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

DEUTERONOMY 34:11

ke kpukpru mme idiɔŋɔ ye mme utibe ŋkpɔ emi Jehovah ɔdɔŋde enye, ete anam ke isɔŋ Egypt, ye Pharaoh, ye kpukpru ikɔt esie, ye ofuri isɔŋ esie,

DEUTERONOMY 34:12

ye ke ofuri nsɔŋubɔk oro, ye kpukpru akpakop ŋkpɔ ndik emi Moses akanamde ke iso ofuri Israel.

JEREMIAH 32:21

onyuŋ ada ikɔt fo Israel ke isɔŋ Egypt ɔwɔrɔ, ke mme idiɔŋɔ, ye ke mme utibe ŋkpɔ, ye ke ɔkpɔsɔŋ ita, ye ke edimenere ubɔk, ye ke akwa ndik;