DEUTERONOMY 20:8 - Edisana ñwed Abasi Ibom

⁸ Ndien yak mme andidaha etɔŋɔ ntak edɔhɔ kpukpru owo ŋko-ŋko, ete, Anie owo odu mi emi efehede ndik, onyuŋ oyomode nsia? Yak enye afiak ɔnyɔŋ ke ufɔk esie, mbak nsia ediyomo nditɔ-ete esie, kpa nte nsia esie.

DEUTERONOMY 20:8 Referans Kwoze

JUDGES 7:3

Kam kwɔrɔ, ndien, sin ke utɔŋ mme mmɔ emi, ete, Yak owo ekededi eke efehede ndik, nsia onyuŋ oyomode enye, ɔkpɔŋ obot Gilead ke usenubɔk akabare ɔnyɔŋ. Ndien tɔsin owo edip ye iba ekabare enyɔŋɔ; ndien esuhɔ tɔsin owo duop.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

ERIYARARE 3:16

Ntre sia edide ndebe, mufiopke munyuŋ ubitke, nyekpɔhi fi nsio ke inua Mi.

LUKE 9:62

Edi Jesus ɔdɔhɔ enye ete, Baba owo kiet emi akabarede ese edem, ke enye ama ekesin ubɔk ke ufuŋ-isɔŋ, ikemke ndinam utom Ubɔŋ Abasi.

DEUTERONOMY 23:9

Ke adaŋemi mbon ekɔŋ ewɔŋɔde eka ekɔŋ ye mme asua fo, kpeme idem fo ke kpukpru idiɔk.

NUMBERS 32:9

Koro adaŋemi mmɔ edɔkde ekesim ke ebedeŋ Eshcol, enyuŋ ekutde isɔŋ oro, mmɔ enam esit odorore nditɔ Israel ndika ŋkoduk ke isɔŋ emi Jehovah ɔkɔnɔde mmɔ.

NUMBERS 13:31

Edi mme mmɔ oro ekesaŋde ye enye edɔk, edɔhɔ ete, Nnyin ikemeke ndidɔk ŋkaŋwana ye mmɔ oro: koro mmɔ esɔŋde ekan nnyin.

EXODUS 15:15

Ndien idem eyekpa mbon Edom; nnyekidem eyemum mkpɔsɔŋ owo Moab: mme andiduŋ Canaan eyeyemere kpukpru.

1 ŊWED CORINTH 15:33

Ekubiaŋa idem mbufo ke ŋkpɔ emi. Idiɔk nsaŋa ababiat eti ido.

DEUTERONOMY 20:9

Ndien ama ekem ke mme andidaha edɔhɔde ye kpukpru owo ema, yak mmɔ enim etubom mbon ekɔŋ ndibem mmɔ iso.

MME ŊKE 24:10

Esit ama ɔduɔ fi ke usen ukut, odudu fo akabare ekpri.