DEUTERONOMY 20:1 - Edisana ñwed Abasi Ibom

¹ KE adaŋemi afo ediwɔrɔde aka ekɔŋ ye mme asua fo, edinyuŋ okutde mme horse, ye mme chariot, ye mbon ekɔŋ ewakde ekan fi, kubak mmɔ: koro Jehovah Abasi fo emi okosiode fi ke isɔŋ Egypt, ododu ye afo.

DEUTERONOMY 20:1 Referans Kwoze

DEUTERONOMY 31:8

Onyuŋ edi Jehovah ebem fi iso asaŋa; enye eyedu ye afo, idikpɔŋke fi, idinyuŋ iduɔkke fi: kufehe ndik, kunyuŋ uyomo nsia.

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

JOSHUA 1:5

Baba owo kiet idibiɔŋɔke fi ke iso, ke ofuri ini uwem fo: nyedu ye afo kpa nte ŋkodude ye Moses: ndiyakke fi nduɔk, ndinyuŋ ŋkpɔŋke fi.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ŊWED MME PSALM 118:6

Jehovah edi okimmɔ; ndidigeke: owo ekeme ndinam mi nso ŋkpɔ?

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

2 CHRONICLES 14:11

Ndien Asa eseme ɔnɔ Jehovah Abasi esie, ete, O Jehovah baba kiet ke mibɔhɔke afo ikemeke ndinyaŋa ke ufɔt mkpɔsɔŋ owo ye mmeme: nyaŋa nnyin, O Jehovah Abasi nnyin; koro nnyin ibɔbuɔt idem nnyin ye afo, inyuŋ ida enyiŋ fo ika ndiŋwana ye akwa otu emi. O Jehovah, afo edi Abasi nnyin; kuyak owo ɔsɔŋ akan fi.

JUDGES 6:12

Ndien angel Jehovah ɔbiɔŋɔre enye ke iso, onyuŋ ɔdɔhɔ enye, ete, Jehovah ododu ye afo owo uko.

2 CHRONICLES 20:12

O Abasi nnyin nte afo udukpehe ikpe ye mmɔ? koro nnyin minyeneke odudu ke iso akwa otu owo emi edide ndiŋwana ekɔŋ ye nnyin? nnyin inyuŋ ifiɔkke se nnyin idinamde: edi nnyin idori enyin ye afo.

JOSHUA 11:9

Ndien Joshua anam mmɔ kpa nte Jehovah ɔkɔdɔhɔde enye: okpok mme horse mmɔ akpan osip, onyuŋ ɔfɔp mme chariot mmɔ ke ikaŋ.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

DEUTERONOMY 7:18

Kufehe mmɔ: tim ti se Jehovah Abasi fo akanamde Pharaoh, ye ofuri Egypt;

DEUTERONOMY 20:2

Ndien ama ekem ke ini mbufo esaŋade ekpere itie ekɔŋ, yak oku oto edi edidɔhɔ kpukpru owo;

DEUTERONOMY 20:3

yak enye ɔdɔhɔ mmɔ ntem, ete, O Israel, mbufo ekop, mbufo emɔŋ esaŋa ekpere ndiŋwana ekɔŋ ye mme asua mbufo mfin emi: ekuyak esit emem mbufo, ekudikhe ekunyuŋ enyek idem, ekunyuŋ eyak nsia oyomo mbufo ke iso mmɔ;

1 SAMUEL 17:32

Ndien David ɔdɔhɔ Saul, ete, Kuyak esit ɔduɔ baba owo kiet abaŋa enye; owo fo eyeka akaŋwana ye Philistine emi.

2 CHRONICLES 20:15

ndien enye ɔdɔhɔ, ete, mbufo ekpaŋ utɔŋ ofuri Judah, ye mme andiduŋ Jerusalem, ye edidem Jehoshaphat, ntem ke Jehovah ɔdɔhɔ mbufo, ete, Mbufo ekudikhe, nsia okunyuŋ oyomo mbufo ke iso akwa otu owo emi; koro midige mbufo ke ekɔŋ emi enyene, ke edi eke Abasi.

ŊWED MME PSALM 23:4

Ndien ŋko ke ini ndisaŋade ke itihere mfut mkpa, ndifeheke idiɔk: koro afo odude ye ami; edi eto fo ye esaŋ fo edidɔŋ mi esit.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

EXODUS 20:2

Jehovah Abasi fo, emi ŋkosiode fi ke isɔŋ Egypt, ke ufɔk ufin mfep.

NUMBERS 10:9

Ndien ŋko ke adaŋemi mbufo edikade ekɔŋ ke isɔŋ mbufo ye mme asua emi efikde mbufo, mbufo eda ukorowo eduat; ndien Jehovah Abasi mbufo eyeti mbufo, onyuŋ anyaŋa mbufo osio mme asua ke ubɔk.

DEUTERONOMY 1:29

Ndien ndɔhɔ mbufo, nte, Ekunyek idem, ekunyuŋ ebak mmɔ.

DEUTERONOMY 7:21

Kudikhe ke iso mmɔ: koro Jehovah Abasi fo odude ke otu fo, akwa Abasi ye Abasi uteŋe.

DEUTERONOMY 9:3

Fiɔk ndien mfin emi, ete ke Jehovah Abasi fo emi ebemde fi iso ebe, edi ikaŋ eke atade, enye eyesobo mmɔ, enye eyenyuŋ ɔsuhɔre mmɔ ke iso fo onim: ndien afo eyewara ebin mmɔ efep, onyuŋ osobo mmɔ, kpa nte Jehovah ɔkɔdɔhɔde fi.

JUDGES 6:16

Ndien Jehovah ɔdɔhɔ enye, ete, Nditreke ndidu ye afo; ndien afo eyekɔt Midian anuak nte owo kiet.

2 CHRONICLES 14:10

Ndien Asa ɔwɔrɔ aka ekɔŋ ye enye, ndien mmɔ etim udim-ekɔŋ ke ebedeŋ Zephathah ke Mare-shah.

ŊWED MME PSALM 46:8

Mbufo edi edise se Jehovah anamde, emi esinde ŋwure ke ererimbot.

JEREMIAH 16:14

Jehovah ɔdɔhɔ, ete, Sese, oro esin usen edi eke mididɔhɔke aba, ite “Ma uwem Jehovah emi akadade nditɔ Israel ke isɔŋ Egypt ɔdɔk”;

ZECHARIAH 10:5

Ndien mmɔ eyebiet mbon-uko eke edigide owo ke ekɔŋ nte mbat efak: mmɔ eyenyuŋ eŋwana ekɔŋ, koro Jehovah odude ye mmɔ: eyenyuŋ esin mme andi-doro horse but.