DEUTERONOMY 2:7 - Edisana ñwed Abasi Ibom

⁷ Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

DEUTERONOMY 2:7 Referans Kwoze

LUKE 22:35

Enye onyuŋ ɔdɔhɔ mmɔ ete, Ke ini ŋkosioŋode mbufo ndɔŋ utom nte, ekukama ekpat-okuk ye ekpat-udia ye ikpa-ukot, nte ŋkpɔ ama anana mbufo? Mmɔ ebɔrɔ ete, Ŋkpɔ inanake.

NEHEMIAH 9:21

Ndien afo ɔbɔk mmɔ ke wilderness ke isua aba; ŋkpɔ inanake mmɔ, edisine-ŋkpɔ mmɔ itahake, ukot mmɔ inyuŋ ifutke.

DEUTERONOMY 29:5

Mma nnyuŋ nda mbufo usuŋ ke wilderness ke isua aba: edisine-ŋkpɔ mbufo ikatahake mbufo ke idem, ikpa-ukot fo ikonyuŋ itahake fi ke ukot.

ŊWED MME PSALM 31:7

Ima fo eyenem onyuŋ adat mi esit: emi afo okutde ukut mi; onyuŋ ɔfiɔkde ndutuhɔ esit mi;

ŊWED JOB 23:10

Koro enye ɔfiɔkde usuŋ eke odude ye ami: enye odomo mi: nyewɔrɔ mbiet gold.

ŊWED MME PSALM 90:17

Ndien nam uyai Jehovah Abasi nnyin odoro nnyin ke idem: nyuŋ nam se ubɔk nnyin enamde ɔsɔŋɔ ada ye nnyin: nyuŋ nam se ubɔk nnyin enamde ɔsɔŋɔ ada.

GENESIS 26:12

Ekem Isaac awari mkpasip ke isɔŋ oro, ndien ke isua oro enye okut ikikie; Jehovah onyuŋ ɔdiɔŋ enye.

GENESIS 24:35

Ndien Jehovah ama ɔdiɔŋ ete mi eti-eti, enye onyuŋ okpon, Enye ama onyuŋ ɔnɔ enye erɔŋ ye enaŋ, ye silver, ye gold, ye ifin iren, ye

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

GENESIS 39:5

Edikem toto ke ini oro enye okodoride enye edi andise ŋkpɔ ufɔk esie, ye kpukpru se enye enyenede, Jehovah ɔdiɔŋ ufɔk eyen Egypt oro abaŋa Joseph; Jehovah onyuŋ ɔdiɔŋ kpukpru se enye enyenede ke ufɔk ye ke iŋwaŋ.

JOHN 10:27

Mme erɔŋ Mi ekop Mi uyo, Ami mmonyuŋ mfiɔk mmɔ, mmɔ enyuŋ etiene Mi.

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

GENESIS 30:27

ŋkanam nnɔ fi. Ndien Laban ɔdɔhɔ enye, ete, Mbɔk, edieke afo amade mi, (tie): mmokut nte Jehovah

NUMBERS 14:33

Ndien nditɔ mbufo eyediyo ke wilderness ke isua aba, eyenyuŋ esio isop use mbufo, tutu mme okpo mbufo ebu ke wilderness.

NUMBERS 14:34

Ke adaŋa ibat usen oro mbufo ekedade eyep isɔŋ, kpa usen aba oro, usen kiet isua kiet, usen kiet isua kiet, ke mbufo edibiom mme ukwaŋ-ŋkpɔ mbufo, kpa isua aba, ndien mbufo eyefiɔk asua mi.

NUMBERS 32:13

Ndien Jehovah ayat esit ye Israel, onyuŋ anam mmɔ ediyo ke wilderness ke ofuri isua aba, tutu ofuri emana oro ɔkɔdiɔkde ke iso Jehovah, osobo ama.

DEUTERONOMY 1:19

Ekem nnyin idaŋa ke Horeb, isaŋa ibe ke ofuri akwa akpakop wilderness oro mbufo ekekutde ke usuŋ obot mme Amorite, kpa nte emi Jehovah Abasi nnyin okowukde nnyin; ndien nnyin idisim ke Kadesh-barnea.

DEUTERONOMY 1:46

Ndien mbufo ebigi ke Kadesh ediwak usen, ke adaŋa ibat usen emi mbufo ebigide.

DEUTERONOMY 2:6

Mbufo eda okuk edep udia ye mmɔ edia; enyuŋ eda okuk ŋko edep mmɔŋ ye mmɔ eŋwɔŋ.

DEUTERONOMY 2:14

Ndien ini emi nnyin iketode ke Kadesh-barnea, isaŋa tutu idibe itihere Zered, edi isua edip ye efureta; tutu ofuri emana mbon-ekɔŋ ekure ke nna, kpa nte Jehovah ɔkɔŋwɔŋɔde abaŋa mmɔ.

JOSHUA 5:6

Koro nditɔ Israel esaŋade ke wilderness ke isua aba, tutu kpukpru owo ke otu mbon ekɔŋ oro eketode ke Egypt, ekure, koro mmɔ mikekopke uyo Jehovah: emi Jehovah ɔkɔŋwɔŋɔde abaŋa mmɔ, ete ke imɔ idiwutke mmɔ isɔŋ oro Jehovah ɔkɔŋwɔŋɔde ɔnɔ mme ete mmɔ, ete iyenɔ nnyin, isɔŋ emi ɔfiɔrɔde mmɔŋ-eba ye aran-ɔkwɔk.

ŊWED MME PSALM 107:4

Mmɔ ediyo ke wilderness, ye ke usuŋ desert; ikwe obio iduŋ.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

HOSEA 13:5

Ami ŋkɔfiɔk fi ke wilderness; ke isɔŋ nsat-itɔŋ.

AMOS 2:10

Ami ŋkonyuŋ nda mbufo ke isɔŋ Egypt ndɔk, nnyuŋ nda mbufo ke usuŋ wilderness ke isua aba, man eda isɔŋ mme Amorite enyene.

GENESIS 39:3

esie, eyen Egypt oro. Ndien ete esie okut ete ke Jehovah ododu ye enye, Jehovah onyuŋ esin kpukpru se enye anamde ɔwɔrɔ unen

EXODUS 16:35

Ndien nditɔ Israel edia manna oro ke ofuri isua aba, tutu mmɔ esim ke isɔŋ eke owo eduŋde: mmɔ edia manna oro tutu osim ke adaŋa isɔŋ Canaan.

NUMBERS 1:1

EKEM Jehovah ɔdɔhɔ Moses ke wilderness Sinai, ke efe esop, ke akpa usen udiana-akpa ɔfiɔŋ, ke udiana-akpa isua nte mmɔ eketo, ke isɔŋ Egypt, ete,

NUMBERS 22:12

Ndien Abasi ɔdɔhɔ Balaam, ete, Kuka ye mmɔ; kusuŋi mmɔ oro: koro ɔfɔfɔn ɔnɔ mmɔ.

DEUTERONOMY 29:4

edi Jehovah ika-inɔŋɔ mbufo esit eke ɔfiɔkde, ye enyin eke okutde, ye utɔŋ eke okopde, tutu osim mfin emi.