DEUTERONOMY 19:5 - Edisana ñwed Abasi Ibom

⁵ ye owo eke etienede mbɔhiduŋ esie oduk ke akai ndikpi eto, ndien ke enye emenerede ekudi ete ikpi eto, ndien ukwak ɔkpɔhɔre ke okpoto, ɔtɔ mbɔhiduŋ esie owot; yak enye efehe aka ke obio emi kiet, ndien odu uwem:

DEUTERONOMY 19:5 Referans Kwoze

ISAIAH 32:2

Ndien owo kiet eyekabare ebiet ɔtɔ udibe ofum, ye etehe ubɔhɔ edim; ebiet akpa mmɔŋ ke edisat isɔŋ, ebiet mfut akwa itiat ke isɔŋ mkpa-mba.

MME ŊKE 27:12

Ɔniɔŋ okut idiɔk-ŋkpɔ, ndien odibe: mme ɔkɔi ebe iso, ndien esio isop.

NUMBERS 35:25

ndien yak mbon esop enyaŋa owot-owo oro osio ke ubɔk osio-usiene iyip, mbon esop enyuŋ eyak enye afiak ke obio-ubɔhɔ esie, emi enye efehede aka do: ndien enye oduŋ do tutu akamba oku eke ekeyerede edisana aran, akpa.

DEUTERONOMY 19:4

Ndien emi edi ikɔ owot-owo eke edifehede aka do, man odu uwem: owo eke mikoho koi iwot mbɔhiduŋ esie, ke mika-isuaha enye ke mbemiso;

DEUTERONOMY 19:6

mbak osio-usiene iyip edibine owot-owo oro, koro esit ofiopde enye, onyuŋ osim enye, koro usuŋ oyomde, ndien ɔtɔ enye owot; emi enye midotke ndikpa, koro mikasuaha enye ke mbemiso.

2 NDIDEM 6:4

Ntre ke enye asaŋa ye mmɔ. Ndien mmɔ eka ke Jordan ekekpeŋe eto.