DEUTERONOMY 15:9 - Edisana ñwed Abasi Ibom

⁹ Kpeme idem fo mbak ikɔ edidu ke idiɔk esit fo ete, Ɔyɔhɔ isua itiaba, isua eridahado emekpere: ndien enyin fo akabare ɔdiɔk ye eyen-usɔ emi edide ubuene, ndien afo etre ndinɔ enye; enye onyuŋ eseme ɔnɔ Jehovah abaŋa fi, ndien idiɔk ŋkpɔ ɔsɔp fi.

DEUTERONOMY 15:9 Referans Kwoze

DEUTERONOMY 24:15

nɔ enye okuk ke usen esie, utin okunyuŋ ɔsuhɔre ke esit; koro enye ananade ŋkpɔ, enye eberi esit esie ke esit: mbak enye ediseme ɔnɔ Jehovah abaŋa fi, ndien afo edue isop.

MATTHEW 20:15

Nte inenke ami ndida se inyenede mi nnam nte mmade? me nte enyin fo ɔdiɔk, koro ami mfɔnde ido?

JAMES 5:9

Nditɔ-ete, ekusuk kiet eken uyo, mbak owo edikpe ikpe ye mbufo; sese, Ebiere-ikpe ke ada ke enyin-usuŋ.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

EXODUS 22:23

Edieke afo efikde enye, enye onyuŋ eseme ɔnɔ mi, nditreke ndikop eseme esie;

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

MATTHEW 15:19

Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

MME ŊKE 28:22

Owo idiɔk enyin ɔkɔ wowo inyene: inyuŋ ifiɔkke ite ke unana edisim imɔ.

MME ŊKE 23:6

Kudia ŋkpɔ owo idiɔk enyin, kunyuŋ uma edinem udia esie:

ŊWED JOB 34:28

Ndinam eseme mme ubuene osim enye, ndien enye okop eseme mbon-ukut.

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

1 PETER 4:9

Eda kiet eken eduk ke ufɔk, ekusuk uyo.

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.

JAMES 4:5

Mme ese ete Ŋwed Abasi ababiaŋa ke ini enye ɔdɔhɔde ete, Spirit emi Enye esinde nnyin ke idem ofibe ufup oyom nnyin?

MME ŊKE 24:9

Ndisime ekikere ɔmɔdiɔk: ndien asak-nsahi etek owo esit.

MME ŊKE 21:13

Owo eke esiride utɔŋ esie ke eseme ubuene, enye ke idem esie eyefiori, ndien owo eke eyerede ididuhe.

MME ŊKE 4:23

Tim kpeme esit fo kan kpukpru se ekpemede; koro uwem otode enye.

ŊWED MME PSALM 9:12

Koro enye etide mmɔ ke ini enye obupde ikɔ iyip: enye ifreke eseme mbon ukut.

DEUTERONOMY 15:1

KE utit kpukpru isua itiaba nim eridahado. Ndien emi edi ikɔ eridahado emi:

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 101:3

Ndinimke oburobut ŋkpɔ ke enyin mi: mmasua se mmɔ emi ewahade enamde; enye ididianake mi.

EXODUS 22:22

Ekufik baba ebe-akpa, ye eyen-akpa.

DEUTERONOMY 31:10

Ndien Moses owuk mmɔ, ete, Ke utit isua itiaba, ke isua eke enimde ke uwɔrɔ ufin, ke usɔrɔ ataya,

MME ŊKE 14:21

Owo eke esede mbɔhiduŋ esie ke ndek anam idiɔk: ama edi owo eke atuade mme ubuene mbɔm, ɔfɔfɔn ɔnɔ enye.

JEREMIAH 34:14

Ke utit isua itiaba mbufo kpukpru esana eyen-ete mbufo, eyen Hebrew emi anyamde idem esie ɔnɔ mbufo eyak; ke adaŋemi enye anamde ŋkpɔ ke isua itiokiet, yak enye ɔwɔrɔ ufin ɔkpɔŋ ebiet mbufo: ndien mme ete mbufo ikopke uyo mi, inyuŋ ikpaŋke utɔŋ mmɔ.