DEUTERONOMY 12:12 - Edisana ñwed Abasi Ibom

¹² ndien mbufo, ye nditɔ-iren mbufo, ye nditɔ mbufo iban, ye ifin iren mbufo, ye ifin iban mbufo, eyedat esit ke iso Jehovah, ye mme Levite emi edude ke mme obio mbufo: koro mmɔ midaha ubak ye udeme ke otu mbufo.

DEUTERONOMY 12:12 Referans Kwoze

DEUTERONOMY 12:7

Ndien mbufo edia ŋkpɔ do ke iso Jehovah Abasi mbufo, enyuŋ edat esit ke kpukpru ŋkpɔ eke mbufo enyande ubɔk mbufo ke esit, kpa mbufo ye mme ufɔk mbufo, ke se Jehovah adade ɔdiɔŋ mbufo.

DEUTERONOMY 26:12

Ke ini afo ama akada ɔyɔhɔ ubak ofuri mbuŋwum fo duop ɔnɔ ama, ke ɔyɔhɔ isua ita, eke edide isua erinɔ ɔyɔhɔ ubak duop, ama onyuŋ emen enye ɔnɔ mme Levite, ye esen owo, ye eyen-akpa, ye ebe-akpa, man mmɔ eda edia ŋkpɔ ke mme obio fo, eyuhɔ;

DEUTERONOMY 10:9

Mmɔdo Levi minyeneke ubak ye udeme ke otu nditɔ ete esie; Jehovah edi udeme esie, kpa nte Jehovah Abasi fo ɔkɔdɔhɔde enye.

DEUTERONOMY 14:29

ndien Levite, (koro enye minyeneke ubak ye udeme ye afo,) ye esen owo, ye eyen-akpa, ye ebe-akpa, eke edude ke mme obio fo, edi edidia eyuhɔ; man Jehovah Abasi ɔdiɔŋ fi ke kpukpru utom ubɔk fo eke afo edinamde.

DEUTERONOMY 12:19

Adaŋa ini nte afo edidude ke isɔŋ fo, kpeme idem fo mbak afo ediduɔk mme Levite.

ŊWED MME PSALM 147:1

MBUFO etoro Jehovah, koro ɔfɔnde ndikwɔ Abasi nnyin; koro enende; itoro onyuŋ eye.

2 CHRONICLES 29:36

Ndien Hezekiah ye kpukpru owo edara, koro Abasi okotimde kpukpru owo: koro ŋkpɔ oro edide ŋwara-ŋwara.

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

JOSHUA 14:4

(Koro nditɔ Joseph edide esien iba, Manasseh ye Ephraim.) Ndien inɔŋɔ mme Levite udeme ke isɔŋ, ibɔhɔke obio iduŋ, ye mben isɔŋ mmɔ, ke eke ufene mmɔ ye inyene mmɔ,

JOSHUA 13:33

ke edem usiaha-utin. Edi Moses inɔŋɔ esien mme Levite baba udeme kiet; edi Jehovah Abasi Israel edi udeme mmɔ, kpa nte enye ɔkɔdɔhɔde mmɔ.

NUMBERS 18:20

Jehovah onyuŋ ɔdɔhɔ Aaron, ete, Afo udunyeneke udeme ke isɔŋ mmɔ, udunyuŋ unyeneke ubak ke otu mmɔ: ami ndi ubak fo, ye udeme fo, ke otu nditɔ Israel.

JOSHUA 13:14

Edi enye inɔŋɔ esien Levi udeme: mme uwa ikaŋ Jehovah Abasi Israel edi udeme mmɔ; kpa nte enye ɔkɔdɔhɔde mmɔ.

NUMBERS 18:26

ete mmɔ, Ke adaŋemi mbufo ebɔde nditɔ Israel ɔyɔhɔ ubak duop emi ŋkɔbɔde mmɔ nnɔ mbufo ke udeme mbufo, mbufo esio ndien ɔyɔhɔ ubak duop ke esit, kpa ke ɔyɔhɔ ubak duop oro, emen enɔ Jehovah ke edimenere uwa.

DEUTERONOMY 18:6

Ndien edieke Levite kiet otode ke obio fo kiet, ke ofuri Israel, emi enye oduŋde do, edi ke ofuri ima esit esie ke ebiet emi Jehovah edimekde;

DEUTERONOMY 16:14

ndien dat esit ke usɔrɔ fo, afo, ye eyen eren fo, ye eyen fo aŋwan, ye ofin eren fo, ye ofin aŋwan fo, ye Levite ye esen owo, ye eyen-akpa, ye ebe-akpa, eke edude ke obio fo.

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

UTOM MME APOSTLE 8:21

Afo unyeneke udeme ye nsaŋa ke ŋkpɔ emi: koro esit fo minenke ke iso Abasi.

DEUTERONOMY 12:18

edi ke iso Jehovah Abasi fo ke afo edidia enye ke ebiet emi Jehovah Abasi fo edimekde, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye mme Levite emi eduŋde ke obio fo: ndien dat esit ke iso Jehovah Abasi fo ke kpukpru ŋkpɔ eke afo anyande ubɔk fo ke esit.

DEUTERONOMY 26:11

ndien dat esit ke kpukpru ufɔn emi Jehovah Abasi fo ɔnɔde fi ye ufɔk fo, afo, ye mme Levite, ye esen owo eke odude ke otu fo.

NEHEMIAH 8:9

Ndien Nehemiah, emi edide Tirshatha, ye Ezra oku, ɔfiɔk-ŋwed, ye mme Levite, emi esiande mbon oro, edɔhɔ kpukpru owo, ete, Mfin emi edi edisana usen Jehovah Abasi mbufo; mbufo ekuseme, ekunyuŋ etua eyet. Koro kpukpru owo etuade eyet, adaŋemi mmɔ ekopde ikɔ mbet oro.

LEVITICUS 23:40

Ndien ke akpa usen ke mbufo edida ŋkɔk ndiye eto, mkpabak eyop, ye ŋkɔk mfuhɔ-mfuhɔ eto, ye willow idim mmɔŋ ke idem mbufo; enyuŋ edara ke iso Jehovah Abasi mbufo ke ofuri usen itiaba.

DEUTERONOMY 27:7

nyuŋ wa uwa emem, nyuŋ dia ŋkpɔ do, nyuŋ dat esit ke iso Jehovah Abasi fo.