DEUTERONOMY 11:8 - Edisana ñwed Abasi Ibom

⁸ Mbufo enim ndien kpukpru mme ewuhɔ emi ami ŋwukde mbufo mfin emi, man mbufo esɔŋɔ, enyuŋ eduk ekeda isɔŋ emi mbufo eyomde ndibe ŋkada enye nnyene;

DEUTERONOMY 11:8 Referans Kwoze

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

ŊWED MBON PHILIPPI 4:13

Mmenyene ukeme ndinam kpukpru ŋkpɔ ke odudu Andisɔŋɔ mi idem.

ŊWED MBON EPHESUS 3:16

nte, Enye akpakam ada Spirit Esie anam mbufo esɔŋɔ idem enyene odudu ke ukpɔŋ, nte ekemde ye uwak ubɔŋ Esie;

DEUTERONOMY 31:23

Enye onyuŋ eteme Joshua eyen Nun, ete, Sɔŋɔ idem, nyuŋ nyene esit: koro afo edidade nditɔ Israel oduk ke isɔŋ emi ŋkɔŋwɔŋɔde nnɔ mmɔ: ami nyenyuŋ ndu ye afo.

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ŊWED MBON COLOSSAE 1:11

Abasi akpakam onyuŋ ada kpukpru odudu Esie ɔsɔŋɔ mbufo idem, nte asaŋade ekekem ye ukeme ubɔŋ Esie, man mbufo ekeme ndibiom kpukpru ŋkpɔ nnyuŋ mme anyan ime ye idaresit;

DANIEL 10:19

Kufehe, O owo emi enemde Abasi esit; ɔfɔn ɔnɔ fi, sɔŋ esit, tim sɔŋ esit. Ndien ke adaŋemi enye ɔdɔhɔde ntre ye ami, ami ŋkop idem, nnyuŋ ndɔhɔ nte, Yak Ɔbɔŋ mi etiŋ ndien; koro afo amanam idem ɔsɔŋ mi.

DEUTERONOMY 28:47

Koro mukanamke ŋkpɔ Jehovah Abasi fo ke idara, ye ke inemesit, ke ini kpukpru ŋkpɔ ewakde;

ISAIAH 40:31

edi mmɔ eke eberede ye Jehovah eyekop obufa nsɔŋidem; eyedɔk ke mba nte ntrukpom; eyefeŋe, ndien idikpɔtke; eyesaŋa, edi idikpaha mba.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

DEUTERONOMY 11:7

koro enyin mbufo ema ekut kpukpru ikpɔ ŋkpɔ emi Jehovah akanamde.

DEUTERONOMY 4:14

Ndien Jehovah ɔdɔhɔ mi ini oro, ete ŋkpep mbufo ewuhɔ ye item, kpaŋ mbufo ekpenam mmɔ ke isɔŋ emi mbufo ebede do ndida nnyene.