DEUTERONOMY 11:1 - Edisana ñwed Abasi Ibom

¹ MA ndien Jehovah Abasi fo, nyuŋ tiŋ enyin ke item esie ye mme ewuhɔ esie, ye mme item esie, ye mbet esie, kpukpru usen. Mbufo efiɔk ndien mfin emi:

DEUTERONOMY 11:1 Referans Kwoze

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

ZECHARIAH 3:7

Ntem ke Jehovah mme udim ɔdɔhɔ, ete, Edieke afo asaŋaade ke usuŋ mi, onyuŋ onimde ido mi, ndien afo eyekpe ufɔk mi, onyuŋ ekpeme okure mi ŋko, ndien nyenɔ fi ebiet eke afo asaŋade ke otu mme mmɔ emi edade mi.

LEVITICUS 8:35

Mbufo etie ndien ke enyin-usuŋ efe esop ke ofuri usen itiaba, ke uwemeyo ye ke okoneyo, enyuŋ ekpeme item Jehovah, man mbufo ekukpa: koro ntem ke eketeme mi.

ŊWED MME PSALM 116:1

MMAMA koro Jehovah okopde uyo mi, ye mkpe ubɔk mi Koro enye akpaŋade utɔŋ esie ɔnɔ mi,

ŊWED MME PSALM 105:45

kpaŋ mmɔ ekpenim mme ewuhɔ esie, enyuŋ ekpe, mbet esie. Mbufo etoro Jehovah.

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 4:40

Nim ndien mme ewuhɔ esie, ye mbet esie, emi ami mbetde fi mfin emi, ndien eyefɔn fi, ye nditɔ fo emi editienede fi, man afo onyuŋ ebigi uwem ke isɔŋ emi Jehovah Abasi fo ɔnɔde fi, ke nsinsi.

DEUTERONOMY 4:5

Sese, mma nteme mbufo mme ewuhɔ ye mme item, kpa nte Jehovah Abasi mi eketemede mi, man mbufo enam ntre ke isɔŋ emi mbufo eyomde ndika do ŋkada nnyene.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

LEVITICUS 18:30

Mbufo enim ndien mme ewuhɔ mi, man ekunam baba ndek ido emi kiet, emi mmɔ ekebemde mbufo iso enam, ekunyuŋ esabare idem mbufo ke esit: ami ndi Jehovah Abasi mbufo.

LEVITICUS 22:9

Yak mmɔ enim ndien mme ewuhɔ mi, man ekubiom idiɔk-ŋkpɔ ke esit, ekunyuŋ ekpa ebaŋa enye; ami Jehovah nnim mmɔ ke edisana.

DEUTERONOMY 5:29

Oh, mmɔ ekpekam enyene oruk esit emi ke idem mmɔ, eke ebakde mi, enyuŋ enimde ofuri mbet mi kpukpru ini, kpaŋ ŋkpɔfɔn ye mmɔ, ye nditɔ mmɔ ke nsinsi!

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 11:22

Koro edieke mbufo edikpemede kpukpru mme ewuhɔ emi ami ŋwukde mbufo, enyuŋ enim mmɔ, enyuŋ ema Jehovah Abasi mbufo, enyuŋ esaŋa ke kpukpru usuŋ esie, enyuŋ eyire ye enye;

EZEKIEL 20:19

Ami Jehovah ndi Abasi mbufo; mbufo esaŋa ke mme ewuhɔ mi, enyuŋ enim mme item mi, enyuŋ enam mmɔ;

DEUTERONOMY 5:1

NDIEN Moses okot ofuri Israel, onyuŋ ɔdɔhɔ mmɔ, ete, O Israel, kop mme ewuhɔ ye mme item emi ami ntiŋde nsin mbufo ke utɔŋ mfin emi, mbufo enyuŋ ekpep mmɔ, enyuŋ etiŋ enyin enam mmɔ.

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

DEUTERONOMY 30:6

Ndien Jehovah Abasi fo eyenim esit fo mbobi, ye esit nditɔ fo, man afo ama Jehovah Abasi fo ke ofuri esit fo, ye ke ofuri ukpɔŋ fo, man afo odu uwem.