DEUTERONOMY 10:22 - Edisana ñwed Abasi Ibom

²² Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

DEUTERONOMY 10:22 Referans Kwoze

GENESIS 46:27

Ndien nditɔ Joseph emi emanade enɔ enye ke Egypt, edi ukpɔŋ iba: kpukpru ukpɔŋ ufɔk Jacob, emi edide ke Egypt, edi ata ye duop.

EXODUS 1:5

Ndien kpukpru mme ukpɔŋ emi eketode Jacob ke ŋkpatian-ukot edi ukpɔŋ ata ye udop: ndien Joseph odu ke Egypt.

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

DEUTERONOMY 1:10

Jehovah Abasi mbufo ama anam mbufo etɔt, ndien, sese, mfin emi mbufo emewak nte ntantafiɔŋ ke ikpa-enyɔŋ.

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

DEUTERONOMY 28:62

Ndien mbufo eyesuk owo esisit eti-eti, emi mbufo ekewakde nte ntanta-ɔfiɔŋ ke enyɔŋ; koro afo mukonyimeke ndikop uyo Jehovah Abasi fo.

UTOM MME APOSTLE 7:14

Ndien Joseph ɔdɔŋ ekekot Jacob ete esie, ye kpukpru ubon esie, ete enyɔŋɔ etiene imɔ; mmɔ edi owo ata ye efut.

NUMBERS 26:51

Mme mmɔ emi edi nditɔ Israel emi ekebatde, tɔsin owo ke itie ikie itiokiet ye tɔsin kiet, ye ikie itiaba ye edip ye duop.

MME HEBREW 11:12

mmɔdo ndien ke idem owo kiet, emi etiede nte ukem-ukem ye akpa-mkpa, ediwak nditɔ ewɔŋɔ emana, ewak udim nte ntantafiɔŋ ke ikpa-enyɔŋ, enyuŋ ekak ibat nte ntan mben inyaŋ.

NUMBERS 26:62

Ndien owo mmɔ emi ekebatde esim tɔsin owo edip ye ita, kpukpru mmɔ edi iren owo, ɔtɔŋɔde ke eyen ɔfiɔŋ kiet, ye mmɔ eke ebede oro: koro mikebatde mmɔ isin ke otu nditɔ Israel: koro minɔŋɔ mmɔ udeme ke otu nditɔ Israel.

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

DEUTERONOMY 26:5

Ndien bɔrɔ ke iso Jehovah Abasi fo, nyuŋ dɔhɔ ete, Ete mi ekedi eyen Aram ndiyo, ndien enye ɔsuhɔre aka ke Egypt okoduŋ do ye owo esisit, ndien akabare do edi idut emi okponde, onyuŋ ɔsɔŋde, onyuŋ awak owo:

GENESIS 46:26

Kpukpru ukpɔŋ emi etienede Jacob edi ke Egypt, emi enye obonde, isinke iban nditɔ Jacob, kpukpru ukpɔŋ edi ata ye itiokiet.

DEUTERONOMY 1:11

Jehovah Abasi mme ete mbufo akpakam ɔkɔrɔ mbufo utim ikotɔsin ewak ekan adaŋa nte mbufo edide, onyuŋ ɔdiɔŋ mbufo, kpa nte enye ɔkɔdɔhɔde mbufo.