DEUTERONOMY 10:18 - Edisana ñwed Abasi Ibom

¹⁸ emi ekpede edinen ikpe ɔnɔ eyen-akpa ye ebe-akpa, onyuŋ amade esen owo, ɔnɔ enye udia ye edisine-ŋkpɔ.

DEUTERONOMY 10:18 Referans Kwoze

ŊWED MME PSALM 146:9

Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

JEREMIAH 49:11

Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

ISAIAH 1:17

eyom se inende, eneŋere se ikwaŋade, ekpe edinen ikpe enɔ eyen-akpa, eda ye ebe-akpa ke ikpe.

ŊWED MME PSALM 145:9

Jehovah ɔfɔfɔn ye kpukpru: esit mbɔm esie onyuŋ ofuk kpukpru se enye anamde.

ŊWED MME PSALM 103:6

Jehovah ekpe edinen ikpe ɔnɔ kpukpru mmɔ eke owo efikde.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

EXODUS 22:22

Ekufik baba ebe-akpa, ye eyen-akpa.

UTOM MME APOSTLE 14:17

Edi Enye iyakke ŋkpɔ-ntiense anana ɔnɔ Enye, ke emi Enye ɔfɔnde ido, onyuŋ ɔnɔde mbufo edim heaven ye ini eduek, onyuŋ ɔnɔde mbufo udia, anam esit mbufo ɔyɔhɔ ye idaresit.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

EXODUS 22:23

Edieke afo efikde enye, enye onyuŋ eseme ɔnɔ mi, nditreke ndikop eseme esie;

NUMBERS 10:32

Ama ekem, ke afo asaŋade ye nnyin, nnyin iyeda mfɔn emi Jehovah edifɔnde ye nnyin, ifɔn ye afo ŋko.

DEUTERONOMY 27:19

Ɔdɔdiɔk ɔnɔ owo eke oyutde ikpe esen owo, ye eyen-akpa, ye ebe-akpa. Ndien yak kpukpru owo edɔhɔ ete, Amen.

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

EXODUS 22:20

Yak esobo owo eke awade uwa ɔnɔ ndem, ke mibɔhɔke Jehovah ikpɔŋ-ikpɔŋ.

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

LEVITICUS 25:35

Ndien ŋko ke ini eyen-usɔ akpade ubuene ke ebiet fo, ubɔk minyuŋ isɔŋke enye mum enye kama ndien; ye idem esen owo, ye oduduŋ: man enye odu uwem ke ebiet fo.

ŊWED MME PSALM 10:18

man afo ekpe ikpe eyen-akpa ye eyen-ukut; owo eke otode ke ntan-isɔŋ iditɔŋɔke aba ntak isin mmɔ ndik.

ŊWED MME PSALM 68:6

Abasi anam ikpɔŋ owo eduŋ ke ufɔk: osio mbon ŋkpɔkɔbi ɔnɔ inyene: edi mbon nsɔŋibuot ikpɔŋ eduŋ ke nsat isɔŋ.